Eldor Shomurodov jamoaviy mashg‘ulotlariga qaytdi

TuttoСagliari nashri futbolchi Eldor Shomurodov seshanba kunidan boshlab umumiy mashg‘ulotlarga qaytgani haqida xabar berdi.

O‘zbekistonlik hujumchi ikki hafta oldin jarohatdan tiklanib yakka mashg‘ulotlarga kirishgani haqida xabar berilgan edi.

“Shomurodov yakshanba kuni “Empoli” ga qarshi mehmonda o‘tkaziladigan uchrashuv qaydnomasidan o‘rin olish uchun mashg‘ulotlarda faol qatnashmoqda”, — deyiladi manbada.

Eslatib o‘tamiz, hujumchimiz jarohat sabab Osiyo Kubogi musobaqasida ishtirok eta olmadi.