Eldor Shomurodov: “Nafaqat men, butun O‘zbekiston xalqi sizlar bilan” 

Futbol bo‘yicha Osiyo Kubogi guruh bosqichi 3-turidan o‘rin olgan bahsda O‘zbekiston terma jamoasi 23-yanvar, seshanba kuni Avstraliyaga qarshi maydonga tushadi.

Jarohati sababli terma jamoaga yordam bera olmayotgan Eldor Shomurodov jamoadoshlariga omad tiladi: 

“Assalomu alaykum, terma jamoaning barcha a’zolariga. Yigitlar, 23-yanvarda bo‘ladigan Avstraliyaga qarshi o‘yinda chin yurakdan omad tilayman. Men qalban sizlar bilanman. Nafaqat men, butun O‘zbekiston xalqi sizlar bilan. Yuzlaring yorug‘ bo‘lib, Osiyo Kubogidan yaxshi natija bilan qaytish nasib qilsin. Omad!”.

O‘zbekiston terma jamoasi ortda qolgan 2 turdan so‘ng 4 ochko bilan B guruhida 2-o‘rinni egallab turibdi. So‘nggi tur o‘yini 23-yanvar kuni 16:30 da start oladi.