G‘azodagi xunrezlik tinchlik muzokaralarini barbod qiladi — HAMAS
HAMAS rahbariyati vakili Izzat Al-Rishek G‘azoda yuk mashinalaridan yordam yig‘ayotgan tinch aholining o‘ldirilishi garovga olinganlarni ozod qilish va o‘t ochishni to‘xtatish bo‘yicha davom etayotgan muzokaralarning muvaffaqiyatsizlikka uchrashiga sabab bo‘lishi mumkinligidan ogohlantirdi. Bu haqda CNN xabar berdi.
“Muzokaralar shaffof jarayon emas. Bizga taklif etilayotgan muzokara yo‘li dushmanning G‘azo sektorida xalqimizga qarshi sodir etayotgan jinoyatlari uchun parda bo‘lishiga yo‘l qo‘ymaymiz”, — degan HAMAS vakili.
Maʼlumot o‘rnida, G‘azodagi Falastin Sog‘liqni saqlash vazirligi 29-fevral kuni hududga kirib kelayotgan yordam yuk mashinalari atrofida to‘plangan olomon Isroil kuchlari tomonidan o‘qqa tutilganini maʼlum qilgan edi. Bu hujumda kamida 104 kishi halok bo‘lgani va 760 kishi yaralangani maʼlum qilingan.
