Yonayotgan krossovka: Amerikaning Asics brendi noodatiy poyabzalni taqdim etdi (foto)
2006-yilda o‘z faoliyatiga ilk qadam qo‘ygan Airei nomli Amerika brendi 2023-yilda Parijdagi moda haftaligida katta e’tibor qozongan edi. Endilikda u Asics poyabzallar ishlab chiqaruvchi brend bilan hamkorlikda Gel-Quantum Kinetic krossovkalarining cheklangan kolleksiyasini taqdim etdi.
Bunday krossovka o‘zining noodatiy dizayni bilan moda ixlosmandlarining e’tiborini qozondi. Poyabzallar Sharqiy Hindistonda elektrsiz kuygan matodan ishlab chiqarilgan. Har bir krossovka uchun o‘ziga xos dizayn berish maqsadida matolar alohida kuydirib chiqilgan.
Airei konsepsiyasiga ko‘ra, olov oliyjanob ishni bajarish, kuygan chandiqlar esa qiyinchiliklarni yengishni anglatadi.
Hamkorlik doirasida bunday poyabzallar atigi 30 juft ishlab chiqarildi. Ularning har biri kuygan qora qoplamali bo‘lib, kumush rangli detallar bilan bezatilgan va ustida Asics logotipi tushirilgan.
Qasddan kuydirilgan poyabzalning narxi 265 dollarga baholandi.
