AQSH va Iordaniya harbiylari ochlikda qolgan G‘azoga havodan oziq-ovqat tashladi — CNN

7-mart kuni AQSH va Iordaniya harbiylari havodan G‘azoga minglab oziq-ovqat qutilaridan iborat yordam jo‘natmalari tashladi. Bu haqda AQSH oliy harbiy qo‘mondonligi tarqatgan maʼlumotlarga asoslanib, CNN xabar berdi.

Hamkorlikdagi operatsiyada AQSH va Iordaniya havo kuchlarining C-130 samolyotlari va gumanitar yordam yetkazib berish uchun tanlab olingan AQSH armiyasi askarlari ishtirok etdi. Operatsiya davomida 38 mingdan ortiq oziq-ovqat qutilari tashlangan.

Aytib o‘tish kerakki, bu yordam paketi AQSH va Iordaniya tomonidan tashkil etilayotgan uchinchi gumanitar loyihadir. Bundan oldin birinchi yordam 2-mart kuni va ikkinchi paket 5-mart kunlari ochlik changalida qolgan G‘azo hududiga yo‘naltirilgan edi.