Isroil askarlari Falastinda 11 yoshli bolani otib o‘ldirdi — Al Jazeera
4-mart kuni G‘arbiy Sohilning okkupatsiya qilingan hududida Isroil askarlari 11 yoshli bolani otib o‘ldirgan. Bu haqda Al Jazeera nashri xabar berdi.
Xabarda aytilishicha, hodisa Nablus shahrining janubi-g‘arbidagi Burin qishlog‘ida sodir bo‘lgan. O‘n bir yoshli Amir Najjar boshidan o‘q yeyishi oqibatida vafot etgan.
Dastlab Qizil yarim oy jamiyati jarohatlangan bola haqida maʼlumot bergan. Amir Najjar xavfi jarohat bilan shifoxonaga jo‘natilgan. Ammo ko‘rilgan chora naf bermagan.
Harbiylarning zo‘ravonligi tufayli yana ikki kishi jiddiy jarohatlangani xabar berilgan. Ko‘kragidan o‘q yegan 19 yoshli yigit va Isroil askarlari tomonidan jismoniy tajovuzga uchragan 30 yoshli erkak og‘ir ahvolda kasalxonaga yotqizilgan. Bemorlar taqdiri haqida maʼlumot berilmagan.
