Netflix afsonaviy bokschi Mayk Tayson va videobloger Jeyk Pol o‘rtasidagi jang anonsini e’lon qildi (video)
Netflix platformasi boks afsonasi Mayk Tayson va videobloger Jeyk Pol o‘rtasidagi jang anonsini e’lon qildi.
Videoda Jeyk Pol va Mayk Taysonni ko‘rish mumkin. Xabarga ko‘ra, ular o‘rtasidagi jang 20-iyul kuni bo‘lib o‘tadi.
Eslatib o‘tamiz, 2022-yilda bloger Jeyk Pol podkastlarining birida hazil tariqasida Mayk Taysonni jangga chaqirgandi. “Mayk, agar sen ushbu podkastni ko‘rayotgan bo‘lsang, kel, biroz zavqlanamiz. Yangi maktab eski maktab vakiliga qarshi. Menimcha, muxlislar ham buni ko‘rishni xohlaydi”, — deb aytgandi Jeyk.
YouTube bloger Jeyk Pol boks qoidalari bo‘yicha o‘tgan so‘nggi jangida Rayan Burland ustidan g‘alaba qozongan.
Qayd etib o‘tish joiz, Mayk Tayson 2023-yilning noyabr oyida Butunjahon boks kengashining (WBC) 61-konvensiyasi doirasida Toshkentga tashrif buyurgandi.
