“Real” prezidenti: “Mbappe kim? Devis-chi?” 

“Real” prezidenti Florentino Peres muxlisning Kilian Mbappe va Alfonso Devis haqidagi savoliga javob berdi.

7-mart kuni “qaymoqranglilar” rahbari o‘zining 77 yoshini nishonladi va bazm tugagach, chiqib ketish vaqtida Madrid klubi muxlisi bilan tasodifan uchrashib qoldi.

“Devis va Mbappe bilan shartnoma imzolashingiz kerak. Ular bilan barcha sovrinlarni yutamiz”, — dedi muxlis Perega qarab.

Bunga javoban 77 yoshli Florentino: “Mbappe kim? Devis-chi?”, — dedi.

Avvalroq, “Real” “PSJ” hujumchisi bilan 5 yillik shartnoma borasida kelishuvga erishgani xabar qilingandi. “Bavariya” futbolchisi esa yozda erkin agent sifatida madridliklar safiga kelib qo‘shilishi aytilgandi.