Erling Holand hozirgi futbolning muammosi haqida aytib o‘tdi

“Manchester Siti” hujumchisi Erling Holand zamonaviy futboldagi asosiy muammoni aytdi. Uning fikricha, o‘yinlarning ko‘pligi uning sifatiga salbiy ta’sir qiladi.

“Muammo o‘yinlarni o‘tkazishda emas, balki ularning sifatida. Sifat pasaymoqda. Men 70 ta o‘yinning har birida bir kilometrga sprint yugurishni amalga oshirishim qiyin. Bunaqa paytda nima ham qila olardim? Men faqat o‘yinlar taqvimiga qarab o‘ynashim mumkin. Bunday o‘yinlar soni, albatta, biznes bilan bog‘liq jarayon”, — deya Holandning so‘zlarini keltiradi VG.

Joriy mavsumda Holand “Manchester Siti” safida barcha musobaqalarni qo‘shib hisoblaganda 34 ta o‘yin o‘tkazib, 29 ta gol va 6 ta golli uzatmani amalga oshirdi. Futbolchining amaldagi klubi bilan shartnomasi 2027-yilning iyun oyi oxirigacha amal qiladi.

Transfermarkt internet portaliga ko‘ra futbolchining taxminiy transfer bahosi 180 million yevroni tashkil qiladi.