Smartfon batareyasi zamonaviy smartfonlarning eng nozik detallardan biri ekani sir emas. Aynan u qolgan elementlardan ko‘ra tezroq yemirilib, almashtirishni talab etadi. Akkumulyator uzoq vaqt xizmat qilishi uchun smartfonni qanday vaziyatlarda quvvatlantirgichda qoldirish kerak emasligini yodda tutish lozim. Hi-Tech.Mail.ru bu boradagi ma’lumotlarni to‘plab taqdim etdi.
Avtomobilda
Zamonaviy smartfonlar haydovchilar uchun ko‘plab imkoniyatlarni taqdim etadi. Bugungi kunda ko‘plab gadjetlarni sotib olish va qurilmalar panelini elektronika ko‘rgazmasiga aylantirish zarurati yo‘q. Barcha navigatorlar, antiradarlar va boshqa ko‘plab qurilmalar funksiyasini bir urinishda smartfonga o‘rnatish mumkin. Faqat bitta nozik jihati bor. Uzoq yo‘lga otlanilganda haydovchi bularning barchasidan bir soatda mahrum bo‘lmasligi uchun sifatli quvvatlantirgichni sotib olishni unutmasligi lozim.
Haydovchilar ko‘pincha mashinadagi smartfon sekin quvvat olayotganidan noliydi. Bunga Xitoyning arzon quvvatlantirgichlari aybdor bo‘lib, ular muntazam kuchlanish darajasini ta’minlay olmaydi. Har bir smartfonda bu kabi holat uchun kontroller bor, u o‘ziga ulangan qurilmagan doim “ishonchsiz yondashadi” va mos bo‘lmagan parametrlarni aniqlashi bilan maksimal darajada xavfsiz rejimga o‘tib oladi.
Biroq avtomobilda original quvvatlantirgichdan foydalanish ham ma’lum xavfni yuzaga keltiradi. Gap shundaki, dvigatel ishga tushirilganida bort tarmog‘ida kuchlanish o‘ynaydi va u smartfon akkumulyatorini “o‘tirg‘izib” qo‘yishi mumkin. Kontroller shunchaki bunga chora ko‘rishga ulgurmasligi va natijada o‘zi kuyib qolishi mumkin. Bunday bo‘lmasligi uchun bitta oddiy qoidaga rioya etish kerak — smartfonni avtomobildagi quvvatlantirgichga dvigatel ishga tushib bo‘lganidan keyingina ulash lozim.
Vannada yotib
Smartfon bilan vanna qabul qilgan odamlarni tok urganiga oid xabarlar muntazam uchrab turadi. Bunga ham ko‘pincha sifatsiz quvvatlantirgichlardan foydalanish sabab bo‘ladi. Noma’lum quvvatlantirish qurilmalarini ishlab chiqaruvchilar deyarli barcha narsani tejashga urinadi. Masalan, izolyatsiyalovchi plastmassa qoplamasi sifatida arzon keramikadan foydalanadi, bu esa kuchlanishlarda ishonchli himoyani taqdim eta olmaydi.
Bundan tashqari, ixchamlikka intilish va materiallarni tejash ortidan bu kabi quvvatlantirgichlarning yuqori va past voltli platalari qismlari orasi ochilmay qolib ketadi. Ma’lum sharoitda, ayniqsa, namlik yuqori bo‘lgan vaqtda ular orasida yoy paydo bo‘lib, tok urishi yoki smartfon buzilishiga olib kelishi mumkin.
Momaqaldiroq vaqtida
Ko‘plab ota-onalar o‘z farzandlarini bekorga yoshligidan momaqaldiroq vaqtida elektr uskunalarini tarmoqdan uzib qo‘yishga o‘rgatmaydi. Zamonaviy smartfonlar ham bundan mustasno emas. Ularni momaqaldiroq vaqtida quvvatlantirib bo‘lmaydi.
Albatta, bugungi kunda mutaxassislar yashin urgan vaqtda elektr uzatish tarmog‘ida kuchlanishning “sakrashi”dan himoyalashning imkoniyatlarini qilmoqda. Xususan, elektr podstansiyalarga maxsus himoya uskunalari, ularga himoyaviy uzishga qodir “shit”lar o‘rnatilyapti. Ammo statistikaga ko‘ra hatto ular ham millionlab voltli kuchlanishda 100 foiz himoyatini taqdim eta olmaydi. Shunday ekan qimmatbaho gadjetni momaqaldiroq vaqtida quvvatlantirish tavsiya etilmaydi.
Smartfondan faol foydalanilayotganida
Ma’lumki, smartfondagi operatsiyalarning bajarilishiga protsessor javob beradi. Og‘ir mobil dasturlar ishga tushirilganida protsessorning takt chastotasi oshadi — bu ko‘p quvvat talab etib, akkumulyatorning ishdan chiqishiga olib keladi.
Buning ustida smartfon quvvatlantirish qurilmasiga ulansa, qo‘shimcha qizish yuzaga keladi. Unutmaslik kerakki, akkumulyatorning 45 darajadan ortiq haroratda qizishi ortga qaytarib bo‘lmas oqibatlarni yuzaga keltiradi. Boshqacha qilib aytganda, protsessordagi yuklama ortgan vaqtda quvvatlantirish akkumulyator uchun “halokatli”.
Qattiq sovuqdan keyin
Sovuq haroratda smartfon to‘liq o‘chib qolgani bilan bog‘liq holatga deyarli barcha duch kelgan. Iliq haroratga qaytilgach ko‘pchilik smartfonni yoqishga va onlayn olamga qaytishga intiladi. Ammo bunday qilish mutlaqo tavsiya etilmaydi. Smartfon normal haroratga qaytishi uchun 10—20 daqiqa kutish kerak.
Gap shundaki, past haroratda batareya ichidagi elektrolit o‘z xususiyatini tez yo‘qotadi. Bunday holatda qurilmani quvvatlantirish batareya sig‘imining kamayishiga va ichki qarshilikning ortishiga olib keladi.
Suvga tushib ketgan smartfonni quvvatlantirish
Yana bitta holat — suvga tushib ketgan smartfonni quvvatlantirish. Ayrim foydalanuvchilar suvga tushib ketgan va yonmayotgan smartfonni quvvatlantirgich yordamida “jonlantirish”ga urinadi. Buni mutlaqo amalga oshirib bo‘lmaydi. Plataga kirgan namlik qisqa tutashuvga va gadjetning to‘liq ishdan chiqishiga sabab bo‘lishi mumkin.
Agarda telefon suvdan keyin ham ishlayversa, avvalo uni yaxshilab quritish kerak, masalan, fen yordamida. Shunday keyin kutish kerak bo‘ladi — har bir smartfon uchun kutish vaqti turlicha. Nima bo‘lganda ham smartfonni bir sutkadan erta tarmoqqa ulash xavfli.
Yostiq ostidagi quvvatlantirgich
Smartfon akkumulyatorining ishdan chiqishiga olib keladigan yana bir sabab — uni tunda quvvatlantirgichda qoldirish.
Ko‘pchilik uxlashdan oldin smartfonini “zaryadka”ga ulab, yostig‘ining ostiga qo‘yadi. Shu orqali ular akkumulyatordan issiqlikni chiqaradigan texnologik teshikni berkitib qo‘yadi va bu yomon. Yong‘in sodir bo‘lmasligi mumkin, ammo kunlik shunday usulda foydalanishda batareyada mikrokuyishlar sodir bo‘ladi. Unutmaslik kerakki, quvvatlantirish vaqtida smartfon qattiq va silliq yuzada, imkon qadar isitish qurilmalaridan uzoqda bo‘lsin.
Izoh (0)