Financial Times Rossiyaliklar sanksiyalarni yengib o‘tish uchun soxta yechimlarni qidirayotgani haqida maqola chiqardi. “Daryo” ushbu materialni e’tiboringizga havola qiladi.
2022-yilning sentabrida, O‘zbekiston Rossiyaning “MIR” kartalariga xizmat ko‘rsatishni to‘xtatganidan so‘ng, rossiyaliklar bu taqiqni chetlab o‘tishni muhokama qila boshladi.
O‘zbekistonda hattoki rossiyaliklar uchun mamlakatga sayohat qilish, hisob ochish va xalqaro miqyosda foydalanish mumkin bo‘lgan kredit kartaga ega bo‘lish qanchalik oson ekanligini targ‘ib qiluvchi Telegram kanal ham o‘z faoliyatini boshladi.
“Ko‘pchilik banklarda kartalar 3-5 kun ichida ochilishi mumkin”, — deyiladi ushbu Telegram kanalida.
27 mingga yaqin obunachiga ega bo‘lgan kanalni o‘zbeklar Rossiya va Ukraina o‘rtasida urush boshlanganidan ikki hafta o‘tar-o‘tmas rossiyaliklarni biznes uchun o‘z mamlakatiga jalb qilish uchun ochgan.
O‘zbekiston Markaziy banki ma’lumotlariga ko‘ra, 2022-yilda mamlakatdagi depozitlar 60,5 trln so‘mga (5,3 mlrd dollar) yetgan.
-14.jpg)
O‘sish ko‘rsatkichi o‘tgan yilga nisbatan ikki barobar tezroq bo‘lgan. Bu esa sanksiyalarga qaramay rossiyaliklarning xalqaro savdoga kirish imkoniyati saqlanib qolganiga ishora qiladi.
Boshqa sobiq Sovet respublikalari ma’lumotlari ham ularning bank tizimlariga talab sezilarli darajada oshganini ko'rsatadi.
“Ko‘plab rossiyaliklar o‘tgan yili chegarani kesib o‘tgan va Markaziy Osiyo, jumladan, O‘zbekistondagi banklarda hisob raqamlarini ochgan. Ularning qanchasi mintaqada qolishini vaqt ko‘rsatadi”, — dedi Yevropa tiklanish va taraqqiyot bankining Markaziy Osiyo va Mo‘g‘uliston bo‘yicha bosh vakili Anton Usov.
Tahlilchilar, MDH davlatlarida depozitlar keskin ko‘paygani hayratlanarli ekani, Rossiyadagi depozitlar qisqarayotganini qayd etishgan.
Sanksiyalar sabab Rossiyaliklar uchun xorijiy kompaniyalardan ish haqini olish yoki dunyo miqyosida sarflash uchun xalqaro kartani olishning eng oson yo‘li yaqin atrofdagi davlatga borishdir. Bular orasida O‘zbekiston ham bor.
Bu holat 2023-yilda ham davom etmoqda. “TASS” nashriga ko‘ra, 2023-yilda O‘zbekistonga 1 mln nafar rossiyalik sayohat uchun kelishi kutilmoqda. Ammo ularning aksariyati O‘zbekistonga faqat sayohat uchun kelmasliklari tayin.
Izoh (0)