Financial Times Россияликлар санкцияларни енгиб ўтиш учун сохта ечимларни қидираётгани ҳақида мақола чиқарди. “Дарё” ушбу материални эътиборингизга ҳавола қилади.
2022 йилнинг сентябрида, Ўзбекистон Россиянинг “MIR” карталарига хизмат кўрсатишни тўхтатганидан сўнг, россияликлар бу тақиқни четлаб ўтишни муҳокама қила бошлади.
Ўзбекистонда ҳаттоки россияликлар учун мамлакатга саёҳат қилиш, ҳисоб очиш ва халқаро миқёсда фойдаланиш мумкин бўлган кредит картага эга бўлиш қанчалик осон эканлигини тарғиб қилувчи Telegram канал ҳам ўз фаолиятини бошлади.
“Кўпчилик банкларда карталар 3-5 кун ичида очилиши мумкин”, — дейилади ушбу Telegram каналида.
27 мингга яқин обуначига эга бўлган канални ўзбеклар Россия ва Украина ўртасида уруш бошланганидан икки ҳафта ўтар-ўтмас россияликларни бизнес учун ўз мамлакатига жалб қилиш учун очган.
Ўзбекистон Марказий банки маълумотларига кўра, 2022 йилда мамлакатдаги депозитлар 60,5 трлн сўмга (5,3 млрд доллар) етган.
-14.jpg)
Ўсиш кўрсаткичи ўтган йилга нисбатан икки баробар тезроқ бўлган. Бу эса санкцияларга қарамай россияликларнинг халқаро савдога кириш имконияти сақланиб қолганига ишора қилади.
Бошқа собиқ Совет республикалари маълумотлари ҳам уларнинг банк тизимларига талаб сезиларли даражада ошганини кўрсатади.
“Кўплаб россияликлар ўтган йили чегарани кесиб ўтган ва Марказий Осиё, жумладан, Ўзбекистондаги банкларда ҳисоб рақамларини очган. Уларнинг қанчаси минтақада қолишини вақт кўрсатади”, — деди Европа тикланиш ва тараққиёт банкининг Марказий Осиё ва Мўғулистон бўйича бош вакили Антон Усов.
Таҳлилчилар, МДҲ давлатларида депозитлар кескин кўпайгани ҳайратланарли экани, Россиядаги депозитлар қисқараётганини қайд этишган.
Санкциялар сабаб Россияликлар учун хорижий компаниялардан иш ҳақини олиш ёки дунё миқёсида сарфлаш учун халқаро картани олишнинг энг осон йўли яқин атрофдаги давлатга боришдир. Булар орасида Ўзбекистон ҳам бор.
Бу ҳолат 2023 йилда ҳам давом этмоқда. “ТАСС” нашрига кўра, 2023 йилда Ўзбекистонга 1 млн нафар россиялик саёҳат учун келиши кутилмоқда. Аммо уларнинг аксарияти Ўзбекистонга фақат саёҳат учун келмасликлари тайин.
Изоҳ (0)