Душанба кунларидан қўрқиш ҳиссини қандай енгиш мумкин?

Якшанба куни кўпчилик яна ишга бориш кераклигини ўйлаб, уларда душанба куни тонги қаршисида қўрқув пайдо бўлади. Лекин уни енгиш мумкин.

Балки сиз ўз ишингиздан қониқиш ҳис қилмаётгандирсиз, ишингиз кўпдир ёки кам ҳақ олаётгандирсиз, сизга ҳамкасбларингиз ёки ташкилотнинг юритаётган сиёсати ёқмаётгандир? Балки сиз зерикаётгандирсиз?

Сабабини аниқлашга ҳаракат қилинг, кейин эса душанба кунларини қайтадан яхши кўриш учун қуйидаги усуллардан биридан фойдаланинг.

1. Бошқа вазифаларга тайинлашни илтимос қилинг

Ҳозир сизнинг қайси кучли томонларингиз ишга тушмаётганини ўйлаб кўринг. Уларни қўллашнинг аниқ режасини тузинг ва бошлиқ билан гаплашинг.

             2. Кўтарилиш имкониятларидан фойдаланинг

Кўпчилик ташкилотларда ходимларнинг юксалишга имконияти бор: менежментлик курслари, мураббийлик дастурлари, мастер-класслар.

Агар сиз ишлаётган компания ҳозирги вақтда бундай шароитларни таклиф қилмаётган бўлса, ўзингиз бу ҳақда илтимос қилиб сўранг.

            3. Ўзингизни кўрсатишга ҳаракат қилинг

Агар сиз юқорироқ лавозимни эгалламоқчи бўлсангиз, нафақат ўзингизнинг вазифаларингизни, балки ундан ҳам кўпроғини бажаринг.

Йиғилишларда ғояларингизни айтинг, лойиҳага раҳбарлик қилишни ўз зиммангизга олишни таклиф қилинг ёки қўшимча ўрганишдан ўтишни сўранг. Бу сизнинг ўсишга қизиқишингизни ва жавобгарликни зиммангизга олишга тайёр эканлигингизни кўрсатади.

           4. Агар чарчаган бўлсангиз, ўзингизга дам олишга вақт беринг

Ҳолдан тойиш сизга ҳам, иш берувчингизга ҳам ҳеч қандай яхшилик олиб келмайди, шунинг учун яхшиси дам олинг.

Ҳатто, агар ишдан узоқлашиш ҳозирги пайтда имконсиз бўлса ҳам, ҳеч бўлмаса кичикроқ таътил олинг. Сиз қайта тикланасиз ва янги кучлар билан ишга қайтасиз.

          5. Бошқа иш излашни бошланг

Агар сиз ишингиздаги шароитни ўзгартиришга ҳаракат қилсангиз ҳам барибир ўзингизни ёмон ҳис қилаётган бўлсангиз, бу бошқа иш излаш вақти келганини билдиради.

Сизнинг бўлажак иш жойингиз қандай сифатларга эга бўлиши кераклиги ҳақида ўйлаб кўринг. Лавозимнинг ошиши, малакаларингиз, янги билимлар олиш имконияти, иш ҳақи, иш ва шахсий ҳаётнинг мутаносиблиги, офиснинг жойлашган жойи, компаниянинг маданиятини ҳисобга олиш жуда муҳимдир. Ўзингиз орзу қилган ишнинг сифатларини рўйхат қилинг ва излашни бошланг.

Манба: «Лайфхакер»