Омма олдига чиқиб гапиришдан олдин пайдо бўладиган қўрқувни енгиш учун баъзилар кўзгу олдида тайёрланишни, муваффақиятни тасаввур қилишни тавсия қилади. Лекин бу маслаҳатларнинг кўпчилиги фойдасиз ва ножўя таъсирга эга. Бошқа жуда оддий ва анча самарали ёндашув бор.
Ўзингизга эътибор берманг
Аввало сиз юзлаб ёки ҳатто минглаб одамларнинг кўзи олдида чиқиб сўзлашдан олдин ҳаяжонланиш — бу сўзлашнинг ўзидан эмас, балки оммавий таҳқирланишдан қўрқиш эканлигини тушуниб олишингиз керак. Сиз эса одамлар ўзингиз ҳақингизда нима деб ўйлашидан хавотир оласиз.Тақдимотнинг муваффақияти одамлар сиз ҳақингизда нима деб ўйлашига боғлиқ эмас. Бунда ўз фикрингизни тингловчиларга қанчалик даражада етказганингиз муҳим.
Тингловчилар сизнинг нутқингизнинг асосий ғоясини тушуниши керак. Вазиятни назорат қилишнинг энг яхши усули — одатдаги суҳбатларга қараганда кенгроқ фикрлаш.
Бунинг учун сиз эътиборингизни сўзларингизга эмас, балки ғояларингизга кўпроқ қаратишингиз керак.
Кетишда одамлар сизни асабий, софдил, дадил ёки мулойим деб ўйлаши мумкин. Лекин, агар сиз уларга ўз фикрларингизни етказа олмаган бўлсангиз, унда олдингизга қўйилган вазифа бажарилмай қолган бўлади.
Кўринишингиз қандай эканлиги ҳақида ўйламанг
Кўзгу олдида машқ қилишни ва ўзингизни видеога ёзиб олишни бас қилинг. Биз шундоқ ҳам ўз ҳаракатларимиз ҳақида кўп ўйлаймиз ва ташқи кўринишимизга кўп эътибор берамиз.Эътиборингизни ўзингизга эмас, балки тингловчиларга айтмоқчи бўлган сўзларингизга қаратсангиз хавотирнинг катта қисми йўқолади. Шунда сиз унчалик тортинмайдиган бўласиз.
Сизнинг нуқтаи назарингиз — бу юбориладиган нарса, тингловчилар эса — уни олувчилар.
Ўз ғояларингизни аниқлаш, такомиллаштириш ва етказишни ўрганинг, шунда сиз албатта муваффақиятга эришасиз.
Манба: «Лайфхакер»
Изоҳ (0)