Яқинда Бейонсенинг расмий YouTube каналида унинг мухлисларидан бирига бағишланган видео пайдо бўлди. Унинг мухлисаси 13 яшар Лирик Шанель икки йил давомида мия саратони билан курашиб, 2021 йилнинг 5 март куни дунёдан кўз юмди.
Хонанда Лирикнинг хотираси шарафи учун ўзининг энг севимли учта қўшиғи – «Brown Skin Girl», «Halo», «Love on Top»ни куйлади ва марҳуманинг сурати ҳамда роликларини видео кетма-кетлик сифатида ишлатди.
Бейонсенинг Лирик Шанелга бағишланган қўшиғи
Сўнгги қўшиқ Лирикнинг ҳаётида алоҳида ўринга эга эди. 2021 йилнинг сентябрь ойида у севимли хонандасининг машҳур таронасини куйлаган эди. Шундан сўнг Бейонсе унга гулдаста юборган ва «Таронам сенга илҳом бағишлагани мени жуда таъсирлантирди. Сен мени ўзингдан кам илҳомлантирганинг йўқ. Сен билан тезроқ учрашишни интизорлик билан кутяпман. Сен ҳақиқий қаҳрамонсан!» – деб ёзган.
https://www.instagram.com/p/CFnpBTfjKh9/
Шунингдек, Бейонсе бошқа бировнинг муаммосига бефарқ эмаслигини биринчи марта кўрсатаётгани йўқ. 2013 йилда у саратон касаллигига чалинган бошқа бир мухлисининг орзусини амалга оширган: концерт дастурида бирга қўшиқ куйлаган эди. 2017 йилда эса «Face Time» орқали саратон марказидаги бемор – Эбони Бенксга қўнғироқ қилиб, уни даҳшатли касалликка қарши курашда қўллаб-қувватлаган.
Изоҳ (0)