Vivo компанияси ичидан метеорит бўлаги ўрин олган X Note Aerospace номли махсус смартфонини тақдим этди

Vivo компанияси қутисига ноёб совға солинган смартфонини сотувга чиқарди, деб хабар беради GizmoChina.

Оргинал X Note смартфонидан сезиларли даражада фарқ қилмайдиган Vivo X Note Aerospace’нинг қутиси ичидан махсус илгак ўрин олган бўлиб, унга Ой метеоритининг бўлаги жойлаштирилган. Ушбу ноодатий «тош» NWА11444 номли қайта ишланмаган метеоритдан қирқиб олинган ва шиша шарча ичига жойлаштирилган.

Смартфоннинг ўзи эса ҳақиқий гигант. Қурилмага томонлар нисбати 21:10 бўлган ҚHD+ (3080 х 1440 пикел) сифатни қўллаб-қувватловчи 7 дюймли АМOLED Samsung E5 дисплейи ўрнатилган. Шунингдек, дисплей 120 герци тасвир янгиланиши частотаси ва 1500 нит максимал ёруғликни таъминлай олади. Экран DispleyMate А+ сертификати ва ультратовушли 3D бармоқ изи сканерига эга.

Vivo X Note Aerospace версиясига Snapdragon 8 Ген1 процессори ўрнатилган. У 12/256 гигабайт комбинацияда 7,5 минг юандан (1177 доллар) тақдим этилади. Махсус модель фақат кўк рангда бўлиб, уни яратишга China Aerospace аэрокосмик фан ва технология корпорацияси жалб этилган.

Эслатиб ўтамиз, 2021 йилнинг сентябрида Vivo тасвирни қайта ишловчи махсус чипга эга Х70 Pro+ камерафонни тақдим этганди.