Legо каталогида 400 евро қийматида Technic сериясига кирувчи янги конструктор пайдо бўлди. 3778 та деталдан иборат жамланмадан Ferrari Daytona SP3 суперкари нусхасини йиғиш мумкин, деб хабар беради Motor.
Ушбу ўйинчоқ моделнинг узатмалар қутиси ишлайди, 12 цилиндрли двигатели поршенлари қимирлайди ва эшиклари «капалак қаноти» кўринишида очилади. Шунингдек, моделга лакланган кумушранг ғилдирак дискалари ўрнатилган ва салони ҳам майда деталларига қадар ишланган.
Йиғилган автомобиль оригиналидан фарқ қилмайди, бироқ технология нуқтаи назаридан ҳақиқий суперкар анча қизиқроқ. Масалан, италияликларнинг сўзларига кўра, улар айрим ечимлардан LaFerrari супергибриди давридан буён машиналарида фойдаланмайди. Хусусан, композитлардан ишланган шасси элементларида.
Daytona SP3 812 Superfast’нинг 6,5 литрли V12 двигатели ёрдамида ҳаракатга келади. Motor 840 от кучи ва 697 Нм айланувчи моментни тақдим этади ва етти поғонали F1 «робот» узатмалар қутиси ёрдамида бошқарилади.
12 цилиндрли двигателга эга Ferrari’нинг ўрта серияли мотори биринчи бор бурилишларни амалга оширишда максимал самарадорликни таъминлаш учун тормоз тизимидаги босимни бошқарадиган FDЕ (Ferrari Dynamic Enhancer) жамланмасига эга бўлган.
Суперкар соатига 100 километр тезликка 2,85 сонияда эришади, 200 километр/соат учун 7,4 сония кифоя қилади. Максимал тезлиги соатига 340 километрдан ошади. Модель нархи 2 миллион еврони ташкил этади, тиражи — 599 нусха.
Эслатиб ўтамиз, 2021 йилнинг июнь ойида Legо компанияси 400 мингта конструктор деталларидан таркиб топган тўлиқ ўлчамли Lamborghini Sian гиперкарини тақдим этганди. Уни яратиш устида 15 нафар мутахассис 8660 соат иш олиб борган. 1:1 масштабдаги ўйинчоқ гиперкар Lamborghini Sian FKP 37 модели дизайнини такрорлайди.
Изоҳ (0)