Samsung наушниклар учун қаҳва финжони кўринишида кейс ишлаб чиқарди

Samsung компаниясининг бошқа ишлаб чиқарувчилар билан амалга оширган кўплаб коллаборациялари ҳам машҳур. 2022 йилда компания фойдаланувчилар «мазали» девайсларининг версияси билан хушнуд этишга қарор қилди, деб хабар беради Hi-Tech.Mail.ru.

Жанубий Корея корпорацияси дунёга машҳур Starbucks қаҳвахоналар тармоғи билан ҳамкорликни йўлга қўйганини эълон қилди ва тўртта чекланган маҳсулотини тақдим этди.

Galaxy х Starbucks коллекциясидан қуйидаги янги маҳсулотлар ўрин олган:

• Samsung Galaxy С22 смартфони учун тўқ яшил ғилоф;
• Samsung Galaxy С22+ учун ёрқин яшил ғилоф;
• Samsung Galaxy С22 Ултра учун тасмасли ғилоф;
• Galaxy Buds 2 наушниклари кейси учун икки турдаги ғилоф.

Наушниклар учун мўлжалланган ғилофлардан бири кейсни латтели финжонга айлантиради. Маълум қилинишича, смартфонлар учун ишлаб чиқарилган ғилофларнинг барчаси экологик материаллардан ишланган. Янги маҳсулотларни 28 июндан бошлаб фақат Жанубий Корея аҳолиси харид қилиши мумкин. Ҳозирча нархлар эълон қилинмаган.