Сўнгги йилларда харид қилинган буюмлардан онгли равишда фойдаланиш модага айланди. Бугунги кунда брендларнинг архив коллекцияларидан катта завқ олиш, стилистлар иложи борича кўпроқ янги маҳсулотларни сотиб олишни эмас, балки мавжд нарсаларга эътибор беришни ва уларга яхшироқ ғамхўрлик қилишни таклиф қилади. Аммо кўп йиллар давомида содиқлик билан хизмат қилиши учун сумкалардан қандай фойдаланиш лозим? Нима қилиш керак эмас ва аксинча, нимани эътиборга олиш керак? People Talk нашри бу борада ажойиб маслаҳатлар билан бўлишди.
Сумка танлаш турмуш тарзига асосланади. Замш ёки юмшоқ теридан тайёрланган маҳсулотлар ажойиб кўринади, лекин улар жуда нозик. Агар кун давомида кўп ҳаракат қилсангиз ва ноутбукни ўзингиз билан олиб кетсангиз, сумкада тезда эскириш белгилари пайдо бўлади ва буюм сотиб олинган янги кўринишини йўқотади. Агар уларни эҳтиётлашга ишончингиз комил бўлса бу каби материаллардан тайёрланган сумкаларни тутиш мумкин.
Фаол турмуш тарзи учун қалин чарм маҳсулотлари анча мос келади. Ҳашаматли брендларда узоқ вақт фойдаланиш учун мўлжалланган бундай моделлар ҳам мавжуд. Зич тери юкка чидамли бўлиб, уни артиш мумкин ва ҳар қандай ҳолатда ҳам ундан фойдаланиш қулайлик яратади.
Сумкалар асосан фойдаланиш вақтида эмас, балки мавсумдан ташқарида зарар кўради. Масалан, сумкада шакл ўзгарган ёки унда бурмалар пайдо бўлса, буни тузатиш қийин. Бунинг олдини олиш учун унинг ичини тўлдириш керак: масалан, бутикларда бўлгани каби махсус воситалар билан. Агар бунинг иложи бўлмаса, унда шарф ва бошқа нарсаларни ҳам солиш мумкин. Асосийси, сумкани ортиқча шиширмаслик, балки унга тўғри шакл беришдир.
Шунингдек, сумкани қуёш нури тушмайдиган жойда сақлаш керак, акс ҳолда у тезда эскиради. Идеал ҳолда, албатта, сумкани жавондаги шкафда қолдириш керак, лекин етарли жой бўлмаса, масалан, йил давомида бўш ётган чамадонга жойлаш мумкин.
Ҳар бир сумкани алоҳида сақлаш керак, чунки улар бир-бири билан узоқ вақт алоқада бўлса, ёмонлашиши мумкин. Мисол учун, қора лакланган сумка қаймоқ ранг терили сумка устида из қолдиради. Афсуски, доғларни ювиш орқали кетказиб бўлмайди.
Мато ёки спиртли салфеткалар билан мунтазам артиш сумка материалини тезроқ қаритади. Чунки ёғли салфеткалар ёки тери кремларини топиш қийин. Агар уларни сумкани қайта ишлаш ва тирналишларни яшириш учун ишлатиш мумкин бўлса ҳам, худди шу крем кийганда жинси матога ўтиши ва уларни бузиши мумкин: сиз кийимни хавф остига қўйиб, сумкаларни сақлаб қолмаслигингиз керак.
Худди шу нарса сумкадан фойдаланишда ҳам тегишли. Албатта, уни жуда кўп нарсалар билан тўлдириш шарт эмас ва замш маҳсулотларидан ёмғирда фойдаланмаслик керак. Аммо сумка тутқичларини янгидек сақлаш учун улардан фойдаланишда оддий шарфларни ишлатиш мумкин. Бу сумка дизайнига ҳам ўзгача кўриниш бағишлайди.
Эскирган сумкаларни тиклаш қийин ва хавфли, шунинг учун таъмирлаш фақат охирги чора сифатида кўриб чиқилиши керак. Ёмон таъмирланган сумка эскирганидан ҳам ёмонроқ. Аммо бу борада профессионаллар билан боғланиш мумкин. Агар натижа муҳим бўлса, пулни тежамаган яхшироқ.
Албатта, сумкаларни таъмирлаш эҳтиёткорлик билан амалга оширилиши керак. Яъни сумка таъмирлангандан сўнг аввалги ҳолатидан ижобий томонга фарқ қилиши керак. Ранги бир текисда бўялиши ва бирор жойига зарар етмаслиги жуда ҳам муҳим. Чунки уларни қайта таъмирлаш деярли янги сумка нархи билан баробар бўлиши мумкин.
Ҳар қандай нарсанинг эскириши табиий жараён, шунинг учун уни турли йўл билан яширишга уринмаслик керак. Турмуш тарзига кўра сумкаларни тўғри танлаш ва оддий қоидаларга риоя қилган ҳолда нарсаларни сақлаш кифоя. Ва ҳар қандай эскирган буюмларни хотира сифатида кўриб чиқиш ва ундаги камчиликлардан уялмаслик тавсия этилади.
Изоҳ (0)