Гўзаллик ва саломатлик учун лимондан камида 7 та фойдаланиш усулини ҳавола қиламиз. Сиз ҳам синаб кўринг!
Юзни тозалайди
Лимонлар нафақат C витамини ва микроэлементларга бой, балки улар тозаловчи хусусиятлари билан ҳам машҳур. Бу ажойиб тозаловчи ва “пилинг” ҳамдир. Лимон шарбати тозалаш ва намлашдан тортиб, қора нуқталар ва теридаги доғларни кеткизишгача жуда кўп вазифаларни бажариши мумкин. Терининг тезда тетиклаши ва “пилинг” учун лимонни сиқиш шарт эмас, шунчаки уни тенг ярмидан бўлинг. Ярим бўлак лимон билан юзингизни беш дақиқа давомида юмшоқ массаж қилинг. Кейин совуқ сув билан ювиб ташланг.
Тери ҳолатини яхшилайди
Қора доғлар ёки ҳуснбузар излари юзни носоғлом кўрсатади. Яхшиямки, тадқиқотларда, цитрус меваларидаги кислоталар терининг ҳолатини яхшилашга ёрдам бериши аниқланган. Нафақат лимон шарбати, балки лимон ёғи ҳам тери учун даво. Унда мавжуд бўлган витаминлар тери қатламларига осонгина кириб, чандиқлар ва ҳуснбузар изларини тезда даволашга ёрдам беради. Лимон шарбатини пахтали дискка сиқинг ва юзингиздаги муаммоли жойларни артиб олинг, сўнгра совуқ сув билан ювинг. Табиий лимон шарбати билан скраблар каби кўплаб гўзаллик маҳсулотлари мавжуд. Улардан сиз ҳам фойдаланишингиз мумкин.
Тирноқларни мустаҳкамланг
3 ош қошиқ лимон шарбати ва 1 ош қошиқ билан зайтун мойини қўшиб аралаштирамиз. Лимон шарбати тирноқларни мустаҳкамлаш учун ажойиб воситадир. Тирноқларингиз ярқироқ ва соғлом кўриниши учун мунтазам равишда у билан артиб олинг. Лимон кислотаси тирноқни оқартиради, зайтун мойи уларни намлайди.
Сочларингизни бўянг
Эслаб кўринг, ўсмирлик чоғида сочингизни ранглаш ва ярқираши учун лимон шарбатини сиқиб кўрганмисиз? Маълум бўлишича, бу усул сизнинг сочингиз сарғиш бўлса ишлайди. Олимларнинг аниқлашича, агар сочингизга лимон шарбати сепиб, уни қуёш нурида туцангиз у яна ранглироқ бўлади. Синаб кўрмоқчимисиз? Лимон шарбатини пуркагичли идишга илиқ сув билан аралаштиринг ва сочларингизга кўп-кўп сепинг. Сезиларли натижага эришиш учун бир соат қуёшда ўтиринг.
Тирсаклардаги қуруқ терини юмшатиш
Лимонни юмшоқ юз скраби сифатида ишлатиш мумкин бўлганидек, улар қуруқ ва ғадир-будир тирсакларни намлаш учун ишлатилиши мумкин. Бунинг учун паста ҳосил бўлгунича лимон шарбатини сода билан аралаштиринг. Қўллашдан кейин тирсакларингизни уқаланг, сўнг сув ёки лимон шарбати билан ювиб ташланг. Крем ёки зайтун мойи суртинг.
Мавзуга доир:
Изоҳ (0)