Бутун дунё аёллари машҳур сумкаларни билади, лекин улар билан боғлиқ чиройли ҳикоялардан ҳамма ҳам хабардор эмас. Биз таниқли шахслар номи билан аталган бешта машҳур сумкани тўпладик, деб ёзади “Новий очаг” нашри.
Kelly, Hermes
Сумка 1935 йилда яратилган, аммо у Kelly номи билан у 21 йил ўтгачгина Грэйс Келлй Монако шаҳзодаси Рейниэр III га турмушга чиққанида машҳур бўлди. Ижтимоий тадбирлардан бирида Грэйс ҳомиладорлигини билдирмаслик учун Hermes сумкасини қўлига баланд кўтариб олди. Шу ҳолат тушиб қолган сурат миллионлаб нусхада дунё бўйлаб тарқалди. Ушбу воқеадан сўнг модалар уйи раҳбари Жан-Луи Дюма сумкага Kelly номини беришга қарор қилди. Бу ўз вақтида уддабуронлик билан қилинган маркетинг ҳаракати бўлди. Ҳануз ушбу сумкани навбатларда туриб харид қилишларига сабаб унинг ўзига хос тарихидир.
Jackie, Gucci
Америка Қўшма Штатларининг собиқ биринчи хоними Жаклин Кеннеди Gucci’ни ёқтирарди. Унинг коллекциясида бренднинг барча аксессуарлари, кийимлари ва H шаклидаги қисқичли сумка мавжуд эди. Жаклин бу сумкани шу қадар машҳур қилдики, бренд афсонавий ҳобо сумкасига Jackie номини беришга қарор қилди. Айтганча, 2020 йилда Алессандро Мишел ушбу моделни қайтадан ишлаб чиқарди, бугунги кунда бу мода оламидаги хонимларнинг орзу қиладиган харидларидан биридир.
Lady Dior, Dior
Dior’нинг афсонавий квадрат сумкаси 1994 йилда яратилган ва “Chouchou” деб номланган, бу французча “севимли” деган маънони англатади. Сумка чиқарилгандан сўнг дарҳол Франциянинг биринчи хоними Бернадет Ширак уни малика Диананинг Парижга ташрифи шарафига совға сифатида сотиб олади. Хоним Di сумкаларни шунчалик яхши кўрар эдики, у ҳар хил рангдаги ҳар хил вариантларни буюртма қиларди. Бренд юлдуз мижознинг содиқлигини юқори баҳолаб, “Chouchou” номини Lady Dior деб ўзгартирди — бу ном Lady Di исмига мос келади.
Monica, Dolce & Gabbana
Моника Беллуччи ва ижодий дуэт Стефано Габбана ҳамда Домeнико Долче ўзаро дўстлик, чексиз муҳаббат туйғулари билан боғланган. Домениконинг ўзи Моника кўпинча бренд коллекцияларининг илҳомлантирувчиси эканига иқрор бўлган. Бренд 2014 йилда Моникага бағишланган биринчи сумкани тақдим қилди: бу классик Monica сумкаси эди. Белуччи кўпдан бери орзу қилган сумка эди. Тимсоҳ терисидан ишланган қора рангли локланган сумкани моделнинг қўлида тез-тез кўриш мумкин.
Sofia, Salvatore Ferragamo
20-асрнинг энг гўзал аёлларидан бири, кино афсонаси ва миллионлар кумири София Лорен ҳар доим Salvatore Ferragamo брендига содиқ бўлиб келган. Софиянинг коллекциясида италян брендининг ўнлаб сумка ва поябзаллари бор эди. Ҳурмат ва эътироф белгиси сифатида Салваторе Феррагамонинг ўзи юлдуз мижозига бағишлаб Sofia сумкасини яратди. Ушбу сумка ҳали ҳам замонавий моделларнинг энг керакли аксессуарларидан бири бўлиб, айниқса, Софиянинг севимли қизил ранглиси алоҳида қадрланади.
Мавзуга доир:
Изоҳ (0)