Баъзан аёллар кўзгуга қараб, ўзгариш вақти келганини ҳис қилади. Хулоса, албатта, хурсанд қилмайди. Сочлар ранги хира, терида ажинлар кўпайган ва умуман олганда, қарилик аломатлари кўрина бошлаган. Бу ҳолат кўпчиликка таниш. “Новий очаг” нашри яхши кўринишга ёрдам берадиган лайфхаклар билан бўлишди
Терига ёрқинлик беринг
Кечқурун юз териси учун скраб ва уй шароитида тайёрлаш мумкин бўлган ниқоб қўллашни унутмаслик лозим. Эрталаб эса терини намлантирувчи воситалар тавсия этилади.
Кўз остидаги доғ ва шишдан халос бўлинг
Қора доғлар ҳар қандай юзга чарчаган ва касал кўриниш беради. Ушбу камчиликларни яшириш учун консилердан фойдаланиш мумкин.
Сочлар рангини янгиланг
Ўсиб чиққан оқарган илдизлар ҳеч кимни хурсанд қилмайди. Илдизларни ўз вақтида бўяб туриш лозим, шунда ташқи кўриниш дарҳол ўзгаради.
Кўз контури учун оқ қалам ишлатинг
Оқ қалам кўзни янада катта ва чиройли кўрсатади.
Қошларга шакл беринг
Кенг, табиий ва қора қошлар асосий тенденциялардан биридир.
Маникюрни унутманг
Тирноқ лакини ўз вақтида янгилашга ҳаракат қилиш лозим. Вақт бўлмаса, ёрқин қопламани бутунлай олиб ташлаш ва шаффоф лакни қўллаш мумкин.
Соч турмагини ўзгартиринг
Ҳеч бўлмаганда сочнинг учларини кесиб туриш зарур. Бу билан сочлар янада қалин ва чиройли кўринишга киради.
Ҳар куни юзни массаж қилинг
Мунтазам юз массажи ёки гимнастика нозик ажинлардан халос бўлишга ёрдам беради ва юзнинг овалини янада аниқ ва чиройли қилади. Ҳар куни бунинг учун атиги 10 дақиқа вақт кетади.
Янги атир танланг
Баъзан инсон ўзини ажойиб ҳис қилиши учун фақат атир ҳидини ўзгартириши кифоя.
Лаб учун балзамни унутманг
Лаблар парваришини унутмаслик лозим, бу ташқи кўринишда алоҳида аҳамиятга эга. Шунинг учун уйдан чиқишдан олдин, албатта, озиқлантирувчи лаб балзамини қўллаш керак.
Изоҳ (0)