Кийим-кечак ҳаётимизнинг кундалик атрибути ҳисобланади. Деярли ҳар бир инсоннинг гардеробида барча ҳолатларда: иш, уй, тантанали маросимларда ёки спорт тадбирларида кийиладиган кийимлар мавжуд. Шуни таъкидлаш керакки, кийим ташқи кўринишингизни яхши ёки ёмон томонга ўзгартириши мумкин. Wday нашри ёшроқ кўринишга ёрдам берадиган кийиниш борасидаги маслаҳатларни тақдим этди.
.jpg)
Қора рангдаги либосларни камроқ кийинг
Қора рангдаги либослар гардеробда алоҳида аҳамиятга эга, шунинг учун улардан воз кечиш қийин. У нозик, ҳар қандай вазиятга мос келади ва нафислик беради, лекин айни пайтда бу ранг визуал равишда ёшга ёш қўшиб кўрсатади.
Қора ранг тери камчиликларини, масалан, ажинларни янада аниқроқ қилиб кўрсатади. Гардеробингизга ёрқин, унча тўқ бўлмаган ранглардаги либосларни қўшиш ва аксессуарлар ёрдамида умумий қора рангдаги образга ёрқин аксессуарларни қўшиш тавсия этилади.
Тренддаги модаларни кузатиб боринг
Бугунги кунда мода ёшлар томонидан белгиланади. Агар ёшроқ кўринишни истасангиз, тренддаги кийимларни кийишдан қўрқманг. Ўзингизда ҳар доим энг сўнгги тренддаги нарсаларни синаб кўринг. Бу каби ажойиб нарсалар визуал равишда сизни ёшроқ кўрсатиши мумкинлигини билиб оласиз.
.jpg)
Қоматингизни яширманг
Йиллар давомида кўплаб аёллар ўзларининг қадди-қоматларини узун юбкалар, енглар ва ёқалар билан яшириш учун қўлларидан келганича ҳаракат қилади ва бу эса уларнинг ёшини янада аниқроқ кўрсатиб қўяди. Ўзингизнинг кучли томонларингизни кўрсатишга шошилманг.
Камроқ ҳажмли заргарлик буюмлари
Массив заргарлик буюмлари нафис ва чиройли кўринади, бироқ бу ёшроқ кўринишга таъсир қилиши мумкин. Образга ёрқинлик ва жозиба бериш учун сиз керак катта ҳажмли заргарлик буюмлардан фойдаланинг.
Пошнали поябзал
Оёқ кийимингиз қанчалик содда ва оддийроқ бўлса, ёшингиз шунчалик каттароқ кўринади. Бу асосан текис поябзалларга тегишли. Кроссовкалар қулай бўлиши мумкин, лекин сиз учун ёшроқ кўриниш муҳим бўлса, пошнали поябзалларни кийганингиз маъқул. Ингичка пошнали оёқ кийимларни кийиш шарт эмас, ҳатто паст пошнали классик оёқ кийимлар ҳам ажойиб кўринади.
Замонавий деталларсиз ретро кийимларни кийманг
Ҳаммага маълум, мода даврга боғлиқ. Урфдан қолган кийимларни ҳам кийиш вақти келади. Бироқ бундай ҳолатда кийимларга қўшимча равишда замонавий деталлардан фойдаланган маъқул.
Шаклсиз кийимларни кийманг
Ёш ўтиши билан кўплаб аёллар свитер ва пиджакларни кийиб, доимий равишда ўзларидаги маълум камчиликларни излайди. Агар шакли аниқ бўлган кийимларни киймасангиз, бу сизни ёшроқ кўрсатмаслиги ва семизроқ кўрсатиши мумкин.
Кардиган кийманг
Камдан-кам истиснолардан ташқари, гардеробдаги бу кийим харажатларни камайтириши билан бирга, ёшингизни каттароқ кўрсатиши мумкин. Бу исинишнинг қулай усули бўлса-да, кардиган қоматингизни аниқ кўрсатмайди. Бундан ҳам ёмони, кардиганнинг боғичини боғласангиз, бу ҳам сизнинг қоматингизни тўлачароқ қилиб кўрсатиши мумкин. Унинг ўрнига пиджак, куртка ёки толтовка кийинг.
.jpg)
Кўпроқ табиий макияждан қилинг
Кўп миқдорда косметика, контурлардан, тўқ рангли румяна ва бошқа жуда аниқ макияж фокуслари ёшингизга ёш қўшиб кўрсатиши мумкин. Тонал кремларнинг зич тўқималари ва косметиканинг кўп қатламлари фақатгина терининг номукаммаллигини аниқроқ кўрсатиб беради. Ёрқин ранглардан фойдаланиб, кўпроқ табиий макияж қилиш сизни ёшроқ кўрсатиши мумкин.
Изоҳ (0)