Ушбу рецептни тайёрлаш осон эмаслигига қарамай, у ҳали ҳам соғлом турмуш тарзи тарафдорлари орасида кенг тарқалди ва барча касалликлар учун панасея ҳисобланади. Ҳақиқатан ҳам шундайми, қуйида батафсил жавоб оласиз.
Албатта, илик шўрвани барча касалликларга даво деб атаб бўлмайди, лекин унинг фойдали хусусиятлари ҳақиқатан ҳам таъсирли. Бу таом витаминлар, минераллар, аминокислоталарга бой (желатин ва коллагеннинг юқори миқдори туфайли), овқат ҳазм қилиш трактининг фаолиятини яхшилайди, мия фаолиятини рағбатлантиради, иммунитетни мустаҳкамлайди, метаболик жараёнларни ўрнатишга ва вазн йўқотишга ёрдам беради. Линолеик кислота мавжудлиги сабабли организмдаги яллиғланишни тўхтатади, суяк ва бўғимларни мустаҳкамлайди, терининг ҳолатига, асаб тизимига ва уйқу сифатига фойдали таъсир кўрсатади. Ушбу рецепт 2000 йилдан кўп вақт аввал Хитойда пайдо бўлган ва ўша пайтдан бери кенг миқёсда истеъмол қилинади.
Шуни таъкидлаш керакки, илик шўрванинг барча фойдали хусусиятлари фақат узоқ вақт мобайнида қайнатишдан кейин пайдо бўлади: мол гўшти камида 12 соат қайнаши керак. Бундан ташқари, ингредиентларнинг сифати ҳам муҳимдир. Аксарият диетологлар илик шўрвани юқори сифатли, органик маҳсулотлардан, масалан, ўт билан озиқланган мол гўшти, семиртирувчи гормонлар ва антибиотикларсиз етиштирилган парранда гўштидан тайёрлаш кераклигини таъкидлайдилар.
Бироқ бу таом айримларга фойдали бўлмаслиги мумкин: шифокорларнинг таъкидлашича, маълум касалликларга чалинганлар илик шўрвадан истеъмол қилишда эҳтиёт бўлиши керак:
- Сийдик йўллари касалликлари ёки бошқа буйрак муаммолари.
- Овқат ҳазм қилиш тизимидаги бузилишлар.
- Холестериннинг юқори даражаси.
- Юрак-қон томир касалликлари.
Илик шўрва қандай тайёрланади?
Юқорида айтиб ўтилганидек, бу таомни тайёрлашда асосий нарса юқори сифатли ингредиентлар ва қайнатиш вақтидир, лекин ҳеч ким унга севимли зираворлар ёки янги кўкат қўшиб, таомни янада мазали ва ўзига хос таъм ҳосил қилишни тақиқламайди. Шифобахш илик шўрванинг классик рецептини баҳам кўрамиз.
Таркиби:
- 1,5 кг иликли суяклар (таъбга кўра бошқаси билан алмаштирилиши мумкин);
- 20 мл истеъмол циркаси;
- 1 дона пиёз.
- 1 дона сабзи.
- Таъбга кўра зираворлар.
Тайёрлаш усули:
Суякларни тайёрланг ва тозаланган сабзавотлар билан бирга печда бир соат давомида қайнатинг. Кейин сабзавотларни бир четга олиб, суякларни кастрюлкага солинг, устидан сув ва циркани қуйинг (цирка суяклардан керакли макроэлементларни чиқаришга ёрдам беради). Шўрва қайнаб чиққунча ўртача оловда, сўнг оловни минимал даражага камайтиринг ва вақти-вақти билан аралаштириб, таомни камида 6 соат давомида қайнатинг. Дастурхонга тортишдан олдин унга сабзавот, зираворлар қўшинг. Тушлик ёки кечки овқат учун илик шўрвани асосий таом сифатида ёки эрталаб оч қоринга ичишингиз мумкин. Бундан ташқари, уни музлатиб қўйиш ва керак бўлганда ишлатиш мумкин.
Мавзуга доир:
Изоҳ (0)