Ҳуснбузарларни сиқиш, макияжни ювмаслик: Тунги юз териси парваришида кўпчилик йўл қўядиган хатолар

Косметологга мурожаат қилмай туриб ҳам юз терисини парваришлаш мумкин. Терини парвариш қилишда кутилган натижага эришмаётган бўлсангиз, демак қандайдир хатоликка йўл қўйгансиз. Тунги парвариш — терини парвариш қилишнинг энг муҳим қисми ҳисобланади. Бироқ сиз учун кичкина бўлиб кўринган хатоларга йўл қўйиш ҳам юз териси билан боғлиқ муаммоларни келтириб чиқариши мумкин. “Новий очаг” нашри тунги парваришда йўл қўйиладиган хатоликлар ҳақида маълумот берди.

Тунда C витамини бўлган маҳсулотлардан фойдаланиш

C витамини антиоксидант бўлиб, терини эркин радикаллардан ҳимоя қилишда ёрдам беради, бироқ уни кундузи қўллаган маъқул. Бу қуёш креми таъсирини кучайтиради ва бу уни кун давомида қўллашнинг яна бир сабабидир. Бундан ташқари, агар сиз тунги парваришда ретинолдан фойдалансангиз улар ва C витамини билан нейтраллашади. Бундай ҳолатда уларнинг иккаласи ҳам самарасиз бўлади.

Юзингизни ювишни унутасиз

Пардоз қилмасангиз ҳам, кун давомида терингизга ёғлар, мойлар ва кир зарралари тўпланиб қолади. Агар улар олиб ташланмаса, бу терида яллиғланишни қўзғатади, қаришга ҳисса қўшади, терида қора доғлар ва ажинлар пайдо бўлишига сабаб бўлади. Бундан ташқари, юзни ювмаслик терида ҳуснбузарни пайдо қиладиган бактерияларни келтириб чиқаради ва тери ўзини тиклай олмайди. Тушни ювмасдан ухлаш инфекцияларни пайдо қилиши, яллиғланиш ва шох парданинг шикастланишига олиб келиши мумкин.

Юзингизни 30 сония давомида илиқ сув ва нейтрал pH тозалагич билан ювинг. Косметика ёки қуёш кремидан фойдаланган бўлсангиз, бу икки босқичли тозалашни талаб қилади. Биринчи навбатда юзингизни мицеляр сув ёки ёғ асосидаги тозалаш воситаси, ундан кейин сув ва тозалаш воситаси билан ювган маъқул.

Терига етарлича намловчи воситаларни қўлламаслик

Агар терининг юзаси қуруқ ва ички қатламлар сувсизланган бўлса, у ҳолда тана муаммони ҳал қилиш учун ёғ ишлаб чиқаришни оширади. Сувсизланган тери ҳам қизариш, сезувчанлик ва тирнаш хусусияти келтириб чиқариши мумкин ва бундай ҳолатда намлантирувчи воситалардан фойдаланиш самарали усул ҳисобланади. Бундан ташқари, тери тунда тузатиш режимига ўтади, шунинг учун намловчи воситани қўллаш сўрилишини максимал даражада оширишга ёрдам беради ва тери тўсиғини мустаҳкамлайди. Қиш ойларида терини намлашга эътибор қаратиш жуда муҳим, бунда батареялардаги иссиқлик қуруқ ва яллиғланишга олиб келади.

Терингизни жуда қаттиқ ишқалайсиз

Болаликда юзни ишқалаб ювишга одатланганмиз, бироқ энди бу ишни такрорламаган маъқул. Агар терида қичишиш бўлса, унда сиз барча табиий ёғларни юзадан олиб ташлагансиз. Яъни, улар терининг яхлитлигини сақлашга ёрдам беради ва ташқи муҳитдан тўсиқ бўлиб хизмат қилади. Юз терисини ҳафтада бир мартадан ортиқ тозаламанг, юзингизда катта зарралари бўлган агрессив тозаловчи воситаларни ишлатманг ва юзингизни сочиққа ишқаламанг.

Тозаловчи воситаларни нотўғри тартибда қўллайсиз

Тозаловчи воситаларнинг кетма-кетлигини нотўғри қўллаш бача ҳаракатларингизни нолга тенглаштириши мумкин. Рецепт бўйича маҳсулотларни қўлланг ва энг енгил тозаловчи воситадан бошлаб охирида оғирроқ таъсирга эга тозаловчи воситалардан фойдаланинг. C витамини нафақат ретиноидлар билан, балки ҳуснбузарларга қарши курашиш учун ишлатиладиган бензоил пероксид ҳам қўлланилса, яхши таъсир кўрсатмайди. Ушбу воситалар бирга ишлатилганда терини қуритади, шунинг учун ретиноидларни қўллашдан олдин юмшоқ тозаловчи воситалардан фойдаланган маъқул.

Тунги тозалашда бирор нарсани қилиш эсингиздан чиқарган бўлсангиз, эртанги кун уни ўзгартиришга уринманг. Косметологлар кўпинча чарчаган, қуриган терига эга беморларда бу ҳар куни ҳуснбузарларни даволаш билан ретиноид муолажаларини алмаштириш натижаси эканини айтишади.

Бўйин териси ҳақида унутиш

Бўйин териси юзга қараганда анча нозикроқ, бироқ кўп ҳолларда унга парвариш қилишни унутамиз. Айниқса, компьютер ва смартфондан кўп фойдаланиладиган ҳозирги даврда ҳатто “офис бўйни” атамаси ҳам бор, бу бир ҳолатда узоқ вақт ўтиришдан пайдо бўладиган ажинлар ҳисобланади. Бўйин терисига ҳам намлантирувчи воситаларни қўлланг, бироқ айнан бўйин териси учун ишлатиладиган маҳсулотлар ҳам мавжуд.

Ҳуснбузарларни сиқиб чиқариш

Кўп инсонлар ҳуснбузарларни сиқиб чиқармаслик кераклиги ҳақида билади, бироқ баъзида бу ҳолатга қаршилик кўрсатиш жуда қийин. Аммо косметологлар уйда ҳуснбузарларни “қўлда тозалаш”дан  дан воз кечиш кераклигини таъкидлайди, чунки бу яллиғланиш, инфекция, ранг ўзгариши ва чандиқлар хавфини оширади, шунингдек тери ўзини тиклаши учун анча вақт керак бўлади. Maxсус тозалагичлар ҳам терини безовта қилади. Агар тошмалардан халос бўлишни истасангиз, махсус гипсни ёпиштиринг.

Лаб терисига эътибор бермайсиз

Кўпинча лаблар ҳам парваришга муҳтож эканини унутамиз ёки уларга нотўғри танланган воситаларни қўллаймиз. Косметологлар лаблари ёрилиб, қуруқлигидан азият чекаётган ҳар бир кишига вазелин мойли маҳсулотлардан фойдаланишни маслаҳат беради. У лаблар ичидаги суюқликни “тақиқлайди”. Уйқуда нафас олаётганда ҳам лаблар қуриши мумкин, шунинг учун ухлашдан олдин намловчи воситаларни ёки лаблар учун малҳам суртинг.

Ёстиқ жилдини алмаштиришни унутасиз

Агар сизда янги ёстиқ жилди бўлмаса, барча тозалаш ишлари беҳуда бўлади. Ёстиқ жилдини ҳар уч кунда алмаштириш керак ва ипак матодан тикилган ёстиқ жилдларидан фойдаланган маъқул, улар қўлланиладиган маҳсулотларни камроқ ўзлаштиради, бурмалар, ажинлар пайдо бўлишининг олдини олишга ёрдам беради ва сочни ортиқча ишқаланишдан ҳимоя қилади.

Етарлича ухламайсиз

Кунига саккиз соат ухлаш — бу ўзингизни яхши ҳис қилиш ва чиройли кўриниш учун минимал уйқу вақти ҳисобланади. Уйқу вақтида тери янгиланади ва ухламаслик эрта қаришга олиб келиши мумкин. Севимли сериалларингизни томоша қилиб, кеч ухламасликка ҳаракат қилинг ва уйқуга ётишдан олдин ижтимоий тармоқларга кирманг — экран ёруғлиги табиий циркадиялик ритмларни бузади ва уйқуни қочиради.