Пол Баттеналли ва Клара Триндалл Coca-Cola юк машинасини автоуйга айлантирди. Жуфтлик автоуйдаги ҳаётларини акс этттирувчи суратларни ижтимоий тармоқларга жойлаб, машҳурликка эришди.
.jpg)
Пол ва Клара ватанлари Австралияда яшашади, бироқ улар Японияда дам олаётганларида, иш пайтида танишиб қолишган. Жуфтлик ҳар доим катта давлатларни янгидан кашф қилишни хоҳлаган. Вақт ўтиши билан уларнинг хаёлига автоуй сотиб олиш фикри келган.
“Биз автоуй сотиб олмоқчи бўлдик, бир нечта фургонни кўриб чиқдик, бироқ уларнинг кўпчилиги жуда кичик, менинг бўйим эса жуда баланд эди. Охир-оқибат Coca-Cola юк машинасига дуч келдик. Машинани 2021 йилда сотиб олиб, таъмирлай бошладик”, — дейди Пол ўз интервьюсида.
Кейинги 11 ой давомида 32 ёшли Баттенали ярим кунни юк машинасида ишлаш билан ўтказди. Жуфтлик 17 500 долларга 2005 йилда ишлаб чиқарилган Isuzu машинасини сотиб олди. Улар ўзларининг уй-жой лойиҳаси учун алоҳида Instagram саҳифасини яратди.
“Юк машинасини сотиб олганимда, Янги Жанубий Уэлс қирғоқларидаги шаҳарчада бир гуруҳ дўстларим билан яшардим, шунинг учун ишдан бўш вақтимда машинани таъмирладим. Мен дурадгорман, барча керакли кўникмаларга эгаман, шунинг учун бу менга қийинчилик туғдирмади”, — дейди Пол.
Юк машинаси тўлиқ автоуй ҳолатига келгач, Пол ва Клара унда бир йил яшади ва орзуларидаги саёҳатни амалга ошириш учун пул йиғди.
.jpg)
Таъмирлаш ишлари бўйича жуфтлик маиший техника, электр жиҳозлари ва санитария-тесисат учун тахминан 17 000 доллар, шунингдек, юк машинаси материаллари учун 8 000 доллар сарфлади.
.jpg)
Уйнинг ичкариси қуйидаги кўринишда:
Автоуй кенг каравот, печ ва газ плитали ошхона, ҳожатхона ва душдан иборат. Уйда велосипед ва бошқа нарсаларни жойлаштириш учун ҳам жой бор.
Пол ва Клара 2023 йил январь ойида ўзлари билан тахминан 27 000 доллар олиб, автоуйда ўзларининг биринчи узоқ давом этувчи саёҳатга чиқишди.
Улар ёқилғи ва озиқ-овқат учун ҳафтасига ўртача 500 доллар сарфлашади. Пол ва Клара Австралия бўйлаб саёҳат давомида ўзларининг аккаунтларига расмларни мухлисларига тақдим этишади.
Изоҳ (0)