Шампунь танлаш осон иш эмас, ҳатто сочингиз қайси турга мансублигини билсангиз ҳам. Қолаверса, дўкон расталаридаги турли хил ассортимент ҳақиқий чалкашликни келтириб чиқаради: намловчи, тикловчи, силлиқлайдиган, сочни ҳажмдор қиладиган ва ҳоказо. Хўш, улардан қайси бирини сотиб олиш керак? Кўпинча сочингизга мос келмайдиган шампунь танлаб қўясиз. Шампунь танлашда йўл қўядиган хатолар ҳақида ҳамма нарсани баён қиламиз, деб ёзади “Новий очаг” нашри.
Сочингиз сийрак ва сиз ҳажм берувчи шампун сотиб оласиз
Кўп аёллар бундай шампунни танлашда қуйидаги хатоларга йўл қўяди:
- Фақат ҳажм учун кондиционерсиз шампун сотиб олиш;
- Маҳсулотни сийрак, ранги ўчган сочга қўллаш;
- Қуруқ сочлар ва қуруқ бош териси учун маҳсулотни ишлатиш.
Бундай хатолар салбий оқибатларга олиб келади — ҳажм етишмаслиги, қуруқ сочлар, мўрт толалар, ёғ безларининг беқарорлиги.
Афсуски, ҳажмли шампун ҳамма учун эмас. Бундай турдаги шампун фақат соғлом, табиий сочлар учун тавсия қилинади. Сийрак, мўрт сочлар учун бундай маҳсулотларни сотиб олмаган маъқул. Гап шундаки, ҳажм учун маҳсулот терининг ва сочнинг тузилишини қуритади, агар улар аллақачон шикастланган бўлса, натижа сизни қувонтирмаслиги аниқ.
Сочни текисловчи шампун ёрдам беришига ишончингиз комилми?
Кўпчилик қадоғида “силлиқлаштирувчи” ёзувли шампунни сотиб олади ва у сочларини текислайди, деб ўйлайди. Аслида, бунда ҳеч нарса содир бўлмайди. Ушбу маҳсулотлар фақат узун текис сочларнинг силлиқлиги учун яратилган: шампун шунчаки структуранинг юмшоқлигини йўқ қилади, сержило қилади. Дарвоқе, кўпинча бу маҳсулотлар гидролизланган кератинни ўз ичига олади, бунинг натижасида сочлар зичроқ кўринади. Агар сочингиз жингалак бўлса, бундай шампун уларни тозалашдан бошқа ҳеч қандай таъсир кўрсатмайди.
Сочни бўягандан сўнг намловчи шампун ишлатмайсиз
Намловчи шампун бўялган, тоник қўлланган, жилоланган ва кимёвий текислашдан кейинги ҳар қандай сочга мос келади. Гап шундаки, соч тузилишига кимёвий таъсир қилгандан сўнг, у жуда кўп сувни йўқотади. Сочга кўп миқдорда намловчи ингредиентлар керак бўлиб, уларни намловчи маҳсулотлар таъминлайди.
Сочингиз аралаш турга мансуб, лекин уларни қуруқ шампун билан ювасиз
Соч учлари жуда қуруқ, илдизлари эса тезда ифлосланади — таниш ҳолатми? Аммо сочларингизни қуруқ сочга мўлжалланган шампун билан ювасиз. Ва бу катта хато! У учлари ва узунлиги бўйлаб қуруқ, ингичка соч толалари учун жавоб беради, лекин агар бош териси ёғли бўлса, у ҳолда маҳсулот ёғ ишлаб чиқаришни оширади. Бу эса бош терисининг ҳаддан ташқари ёғланишига олиб келади. Бошқача қилиб айтганда, бу билан фақат вазиятни ёмонлаштирасиз!
Оддий соч турига ёғли сочларга мўлжалланган шампун ишлатасиз
Бундай шампунлар фақат ёғли бош териси ва ортиқча ёғ ишлаб чиқаришни камайтириш учун мўлжалланган. Одатда одамда ёғ безлари ва себореянинг дастлабки босқичи бузилган бўлса, унда трихологик шампунни танлаган маъқул. Агар муаммо косметик бўлиб, диеталар, лактация, гормонал ўзгаришлар натижасида ёғ безларининг бузилишига алоқадор бўлса, унда ёғли сочларга мўлжалланган маҳсулотлар бу муаммони осонгина ҳал қилади.
Қазғоққа қарши шампун билан ювиш, гарчи у йўқ бўлса ҳам
Ҳар қандай ҳолатда қазғоққа қарши маҳсулотдан фойдаланманг, агар сизда у йўқ бўлса, ҳатто профилактика мақсадида ҳам! Гап шундаки, қазғоқ билан боғлиқ муаммоларни ҳал қилиш учун воситалар сочларнинг тузилишини ҳаддан ташқари қуритишга олиб келиши мумкин бўлган мураккаб рецепт бўйича яратилган.
Соғлом сочларни доимо тикловчи шампун билан ювиш
Соч кимёвий жараён натижасида шикастланганда унга тикловчи шампун керак бўлади. Уларни соғлом ва табиий сочларга ишлатиш шунчаки мантиқсизлик, чунки бундай маҳсулотлар структуранинг оғирлигига олиб келади. Сочлар шунчаки ҳажмини йўқотади. Юқорида айтиб ўтилганидек, агар сиз сочни кучли парвариш курсидан ўтказган бўлсангиз, тиклаш воситаларидан фойдаланиш тавсия этилади. Шу тариқа ҳамма нарса оддий: биринчи қадам — намлаш, иккинчиси — тиклаш. Барча тиклаш маҳсулотлари соч тузилишини фаол моддалар билан таништириш ва тўлдириш тамойили асосида ишлайди.
Узоқ вақт давомида бўялмаган соч учун рангли сочга мўлжалланган шампундан фойдаланасиз
Агар бўялган сочлар учун шампунни табиий сочларга ишлацангиз, ҳеч қандай зарар бўлмайди, лекин ҳеч қандай таъсир ҳам бўлмайди. Шунчаки ортиқча пул йўқотишдан бошқа нарса эмас! Маҳсулот рангли сочлар учун махсус мўлжалланган, чунки улар сунъий пигментни ушлаб туриш учун микроплёнкага муҳтож. Бунга бўялган сочлар учун ишлаб чиқарилган шампун кўмак беради.
Мавзуга доир:
Изоҳ (0)