Инсоннинг юзи унинг турмуш тарзи, жумладан, одатлари ҳақида кўп нарсаларни айтиб бериши мумкин. Ўзингизга зарарсиздек кўринган одатлар юзда қандай белги беради? Кун сайин қайси одатлар ёшлик ва гўзаллигингизни ўғирлаши хусусида ёзмоқда Marie Claire нашри.
Гаджетлардан фойдаланганда бўйиннинг нотўғри ҳолати
Бу, биринчи навбатда, бўйинда юкнинг кўпайиши билан боғлиқ. Биз гаджетларда кўп вақт сарфлаймиз, бу эса бўйин остеохондрознинг ривожланишига ва умуман олганда ҳолатининг ўзгаришига олиб келади. Бўйин соҳасидаги мушаклар ҳаддан ташқари зўриқади ва спазмга учрайди, қон томирлари сиқилади. Юзда бу сарғайиш, шиш ва кўз остидаги қора доиралар шаклида акс этади.
Эътибор беринг, бўйин мушаклари энг кучли ва энг катта мушаклардан биридир. Ҳаддан ташқари стресс вақтида улар юзнинг мушакларини тортади. Бу юздаги ёшга боғлиқ ўзгаришларни келтириб чиқаради: иккинчи ияк ва ёноқнинг пайдо бўлиши, осилган кўз қовоғининг шаклланиши, пешонадаги ажинлар ва бурун-лаб бурмаларнинг чуқурлашиши каби.
Нима қилиш керак?
Ишда ўрнингизни қулай жойлаштиринг. Компьютерда ишлаётганда, монитор баландлигини созланг — экран кўз даражасида бўлиши керак. Телефон ёки планшетдан фойдаланганда, бошнинг эгилиши минимал бўлиши учун уларни ҳам шундай тутинг.
Агар иш гаджетлардан фойдаланишни тақозо этса, танаффус қилишни унутманг. Ўртача, ҳар бир ярим соатдан икки соатгача 10-15 дақиқа давомида танаффус қилинг. Профилактик чора сифатида бўйинни мунтазам равишда массаж қилинг.
Ҳаддан ташқари такрорланадиган юз ифодалари
Буларга асосан назорат қилиш жуда қийин бўлган юз ҳаракатлари киради. Масалан, қош учириш, лаб буриш, ёноқни чимчилаш ва қош чимириш одатлари. Бу одатларнинг барчаси юзда ажин пайдо бўлишига ва чуқурлашишига ёрдам беради. Кўпинча улар кўз ва пешонада пайдо бўлади, яъни мушаклар мунтазам равишда ҳаддан ташқари кучланиш бўлган жойларда.
Фаол юз ифодалари ўсмирлик давриданоқ одатга киради. Бу ёшдаги энг кенг тарқалган одатлардан бири бу кўзларни қисиб қўйишдир (бу “аълочи синдроми” деб аталади). Кўз қисиб қўйиш одати бошқа нарсалар қаторида кўриш қобилиятининг паст даражаси бўлиши ҳам мумкин. Аммо бу ҳолда кўзлари атрофида қарға оёқларининг эрта пайдо бўлиши таъминланади. Пешонадаги ажинлар эса 20-25 ёшда ҳосил бўлади.
Терини нотўғри терини парвариш қилиш, қуёш нурининг меъёрдан ортиғи ва мувозанатсиз овқатланиш юзнинг мимик ажинлар муаммосини кучайтиради.
Нима қилиш керак?
Албатта, хаёлга келган биринчи нарса — ботулинум терапияси. Ботокс ва ботулинумга асосланган бошқа препаратлар сизга юз мушакларининг фаол ишини вақтинча блокировка қилишга ва пешонадаги ажинлардан халос бўлишга имкон беради.
Бундай муолажага тайёр бўлмаганлар учун ботулинумга ўхшаш таъсирга эга дорилар билан мезотерапия ёки тинчлантирувчи таъсир компонентларини ўз ичига олган махсус суюқликдан фойдаланишингиз мумкин. Бундай маҳсулотларни электропорация каби инструментал усуллар ёрдамида терининг чуқур қатламларига юборса бўлади.
Совуқда бош кийимсиз юриш
Онангизнинг сўзларини эсланг: “Шапка кий йўқса, сочсиз қоласан ёки шамоллайсан”. Ва у ҳақ! Аввало, бунда соғлиғингиз хавф остида бўлади. Совуқда бош кийим кийишдан бош тортиш менингококк инфекциясини келтириб чиқаради. Бу соғлиққа жиддий зарба. Бундай эҳтиётсизлик соч тўкилишига олиб келиши мумкин. Совуқ туфайли соч фолликулаларини озиқлантирувчи қон томирлари спазмга учрайди. Натижада жадвалга кўра ҳали эрта бўлган сочлар тўкила бошлайди.
Нима қилиш керак?
Кийиш учун замонавий “шапка” танланг ва об-ҳаво прогнозини кузатиб боринг.
Уйқу етишмаслиги
Уйқу — ёшартирувчи энг қулай воситалардан биридир. Циркад ритмларига мувофиқ ёцангиз — соат 23:00 дан олдин — узоқ вақт давомида ёшлик ва гўзалликни сақлаб қола оласиз. Айнан тунда организм ҳужайралари, шу жумладан, тери фаол янгиланади.
Соат 23:00 дан 1:00 гача буйрак усти безлари тикланади, уларнинг гормонлари терининг ҳолатига ҳам таъсир қилади. Уйқу етишмаслиги кортизол даражасининг ошишига олиб келади, бу стресс гормони тери ва сочларнинг ҳолатига салбий таъсир кўрсатади. Бу тошмалар пайдо бўлиши, тери жозибасини йўқолиши, рангининг ёмонлашиши билан якунланади.
Нима қилиш керак?
Саккиз соатлик уйқу тўлиқ тикланиш учун зарурдир. Эпифиз бези ёшлик ва гўзаллик гормонини ишлаб чиқарадиган соат 22:00 дан 3:00 гача бўлган энг қимматли уйқу соатларини ўтказиб юборманг.
Уйқу билан боғлиқ муаммолар борми? Уларни дарҳол ҳал қилинг. 40-45+ ёшда уйқусизлик сабабларидан бири гормонал бузилишлар, 20-30 ёшда — турмуш тарзи бўлиши мумкин. Ётишдан олдин фаол спорт машқлари (кроссфит каби), спиртли ичимликлар, қаҳва ва аччиқ қора чой ичиш, чекиш, гаджетлардан фойдаланиш тавсия этилмайди.
Лимонли мелиса чойидан бир пиёла ичинг, илиқ ванна қабул қилинг олинг, ёқимли фильм томоша қилинг — шунда уйқу соғлом бўлади.
Тез-тез юзга тегиниш
Кўпчилигимиз билмаган ҳолда юзимизга соатига 25 марта қўл тегизамиз! Аксар ҳолларда терида яллиғланиш элементларининг пайдо бўлиши айнан шу ёмон одат билан боғлиқ. Қўлларда ҳуснбузар, ҳатто, фурункулоз ва карбункулозга олиб келиши мумкин бўлган жуда кўп турли хил микроблар мавжуд. Инфекция тарқалиши аллақачон ҳуснбузар мавжуд бўлган жойларга тегиниш орқали ҳам осонлашади.
Нима қилиш керак?
Юзингизга тегизиш сонини ёзиб боришга ҳаракат қилинг ва қўлингизни ювинг. Бу оддий кўринадиган усуллар жуда самарали. Нима учун онгсиз равишда юзингизга тегишингизнинг сабабларини ўрганинг. Кўпинча бу стрессдан бўлиб, муаммони ҳал қилиш орқали қўлларингиз билан юзингизга камроқ тегиш даражасини пасайтиради.
Мавзуга доир:
Изоҳ (0)