“Меҳридарё” лойиҳасига наманганлик Жабборова Иқболой мурожаат қилиб, тўрт йилдан буён қон касаллигини билан курашаётган ўғли Диёрбек Аббосовни Туркияда даволатиш учун халқдан ёрдам сўрамоқда.
— Ўғлим Диёрбек Аббосовга 2019 йил мураккаб турдаги анемия касаллиги ташҳисини қўйишган. Яъни унинг иликларида қон ишлаб чиқариш тўхтаган. Шифокорлар “Фақатгина ташқаридан қон қуйдириб юришингиз мумкин”, дейишган. АҚШдан дори олиб келинса, боланинг аҳволи яхши бўлишини айтишганди. Бор имкониятимизни ишга солиб, 40 минг АҚШ долларига дори олиб келтирдик. Бир йилдан кейин эса яна 6 минг АҚШ доллари турадиган дорини олиб келишимизни сўрашди.
Тўрт йилдан буён касалхонада яшаяпмиз. Уйга бир марта борамиз ва қони ёмонлашгач, яна касалхонага қайтиб келамиз. Ўғлимнинг аҳволи худди ёнилғи қуйилган машинага ўхшайди. Қон қуйилса яхши юради, бўлмаса аҳволи бирдан ёмонлашади. Ҳеч кимнинг боласи касал бўлмасин экан. Кўзидан, бурнидан ҳатто пешобидан ҳам қон оқади.
Илик кўчириш операциясини қилиш керак дейишди. Бундай амалиёт Ўзбекистонда ўтказилмагани учун Туркияга бордик. Катта ўғлим донар бўлди. Мен Диёрбек билан касалхонада бўлсам, катта ўғлим билан дадаси Туркияда оғир меҳнатда ишлашди. Чунки касалхона ҳаражатлари жуда қиммат экан. Ҳозир яна жарроҳлик амалиётидан кейинги кўрик учун Туркияга боришимиз керак. Тошкентдаги шифокорлар даволашолмаяпти. Клиника билан гаплашсам бир ҳафта даволаниш учуни 15 минг АҚШ доллари тўлов қилиш кераклигини айтишди. Тўрт йил ичида сотадиган нарсамиз ҳам қолмади. Илтимос яхши инсонлар ўғлимнинг даволаниши учун қўлингиздан келганча ёрдам қилинг. Унинг соғайиб кетишига ишонаман, — дейди беморнинг онаси.
Аббосов Диёрга хайрия қилишни истасангиз,
8600 0423 1780 4994
9860 0801 8621 1993
Жабборова Иқболой
Мурожаат учун: 94) 175-42-20
Изоҳ (0)