Сифатсиз маҳсулотлар билан яқиндан танишиш нафақат пулни беҳуда сарфлашга, балки соғлиқда муаммоларга сабаб бўлиши мумкин.
Авокадонинг пишгани бандидан билинади
Авокадо пишганини текширишнинг осон йўли мавжуд. Бандини тортиб олишга ҳаракат қилинг: агар бу осон чиқса, мева пишган. Агар чиқара олмасангиз, унда авокадо ҳали пишмаган.
Яхши қовоқдан тиқиллаган овоз эшитилади
Бу сабзавот сифатини аниқлашнинг осон усулларидан бири унга чертишдир. Қовоқ яхши бўлса, мева ичида бўшлиқ бордек, овоз чиқаради. Қовоқнинг кўринишига ҳам эътибор бериш керак. У қаттиқ бўлиши, юмшоқ ёки шикастланган бўлмаслиги керак.
Йогурт қатламларга ажралса ҳам айниган бўлмайди
Баъзида ейишимиз мумкин бўлган нарсаларни ташлаб юборамиз. Мисол учун, йогурт юзасида суюқлик қатлами пайдо бўлганда, маҳсулотни айниган деб ўйлаймиз. Бу аслида жуда кўп озуқавий моддаларни ўз ичига олган зардобдир. Йогуртни бир ҳил суюқ бўлгунга қадар чайқатиш керак.
Кичикроқ қулупнай одатда ширин бўлади
Қулупнай бандидан узилиши биланоқ, пишиш жараёни тўхтайди. Агар қулупнай юзасида сарғиш ёки яшил рангли енгил доғлар бўлса, ширин бўлмайди. Кичик мевалар одатда серсув ва ёқимли таъмга эга. Қулупнайларнинг ранги қанчалик бой ва тўқ бўлса, қулупнай шунчалик яхши пишган бўлади.
Узоқ муддатли сақлашдан кейин қулупнай бироз қорайиши мумкин, аммо бу уни ширин қилмайди. Шунинг учун резаворларни ҳидлаб билган маъқул. Агар улар бой ва кучли ҳидга эга бўлса, унда таъми ажойиб бўлади.
Товуқ қадоқланган идишда сув бўлмаслиги керак
Агар товуқ музлатилган бўлса ва унинг атрофида сув ҳосил бўлса, гўшт истеъмолга яроқсиз бўлиши эҳтимоли бор. Яна бир ташвиш берувчи белги товуқнинг ҳаддан ташқари қизил териси бўлиши мумкин.
Кокос ёғининг сифатини аниқлаш учун уни музлаткичга қўйиш керак
Кокос ёғида бошқа моддаларнинг аралашмалари бўлса, уларни осонгина аниқлаш мумкин. Бунинг учун маҳсулотни ярим соат давомида музлаткичга қўйиш кифоя. Кокос ёғи қотиб қолади, бошқа ёғлар эса алоҳида қатлам ҳосил қилади.
Серсув лимонни осонгина сиқиш мумкин
Лимоннинг катталиги унинг серсувлигига ҳеч қандай таъсир қилмайди ва ҳатто кичик меваларда жуда кўп шарбат бўлиши мумкин. Мева қанчалик сувли ва пишганлигини баҳолаш учун лимонни бош ва кўрсаткич бармоқ билан сиқиб кўриш керак. Агар лимон жуда қаттиқ бўлса, демак, унинг қобиғи жуда қалин ва етарли миқдорда шарбат бўлмайди. Меванинг юмшоқлиги пишиб ўтиб кетганлигини билдиради.
Майдаланган қаҳвадан кўра қаҳва донларини сотиб олган маъқул
Барча қаҳвани севувчиларга тайёр майдаланган маҳсулотни сотиб олмаслик тавсия этилади, чунки у кўпинча қалбаки бўлади. Донлар майдаланган ҳолда сотилганда кукун таркибини аниқлаш қийин, унга бошқа нарсалар ҳам қўшилган бўлиши мумкин. Бундай муаммоларнинг олдини олиш учун қаҳва донларини сотиб олиш ва уни ўзингиз ёки дўконда майдалатган маъқул.
Изоҳ (0)