Италиялик аёллар ҳар доим ўзларининг гўзаллиги ва нафис услублари билан машҳур бўлган. Италиядаги миллатлар ва минтақаларнинг хилма-хиллигига қарамай, маҳаллий аёлларнинг жозибали кўринишига ёрдам берадиган бир нечта умумий хусусиятлар ва одатлар мавжуд.
Италияликлар парҳезга риоя қилмайди
Италиялик аёллар ўзини ҳаддан ташқари чекламасдан овқатланишдан завқланишни билади. Улар макарон, музқаймоқ ва бошқа юқори калорияли таомларни бемалол истеъмол қилади. Ягона жиҳати шундаки, актриса ва италиялик модел Митзи Пейроненинг сўзларига кўра, маҳаллий аёллар оддий таомларни афзал кўради, ортиқча миқдордаги соуслар, қайлалар ва начинкаларни истеъмол қилишдан қочади.
Бироқ шу билан бирга, италияликлар истеъмол қиладиган таомларнинг порсиялари анча кичикроқ. Чекланган парҳезлар йўқлигига қарамай, италян аёллари ортиқча овқатланмайди, бу уларнинг жисмоний ва руҳий саломатлигига ёрдам беради.
Кунига 2 марта танани намлантириш
Италиялик аёллар ҳар куни танасини крем ёки зайтун ёғи билан намлантиришни мажбурий деб билади. Улар бу ишни кунига 2 марта – эрталаб ва кечқурун қилади. Қизиғи шундаки, улар кунига 10 дақиқадан кўпроқ вақтни бўяниш учун сарфлашади, лекин улар танани бошдан оёқ намлантириш учун кўпроқ вақт сарфлашади.
Намлантириш учун зайтун ёғидан фойдаланишади
Зайтун ёғи нафақат ажойиб таъми, балки соғлиқ ва терига фойдалилиги билан ҳам машҳур. Бу маҳсулот маҳаллий аёллар томонидан терини мукаммал намлантириш учун ишлатилади. Бу теридаги қуруқлик ва хираликни олдини олади. Бундан ташқари, бу ўсимлик ёғи терининг қариши билан курашишга ёрдам берадиган кучли антиоксидант ҳисобланади.
Таниқли актриса София Лорен зайтун ёғини яхши кўришини, ҳар куни ўз парҳезига 2 ош қошиқ қўшишини ва терисини намлантириш учун ҳам ишлатишини айтган.
Зайтун ёғи сочни намлантириш учун ҳам ишлатилади. У Э витаминига бой, шунинг учун сочингизнинг учларига озгина миқдорда ёғ суртсангиз ҳам, порлашни тиклашга ёрдам беради. Уни бош терисига эмас, балки сочлар учларига суртиш муҳим. Акс ҳолда қазғоқ пайдо бўлиши мумкин.
Терига фақат кўрсаткич бармоқ билан тегинг
Италия оилаларида ўрнатилган қоида авлоддан авлодга ўтади: кўрсаткич бармоқ қўлдаги энг сезгир бармоқ ҳисобланади, шунинг учун кремни қўллаш учун шу бармоқдан фойдаланиш керак.
Эски, вақт синовидан ўтган косметикадан фойдаланинг
Машҳур Human Hanger мода блоги муаллифи Клаудия Гразиaнонинг айтишича, италян аёллари янги ишланган маҳсулотлардан кўра кўпроқ ишлатадиган, эскирмайдиган маҳсулотларга кўпроқ эътибор қаратади. Улар узоқ вақт давомида бир хил маркадаги косметикадан фойдаланишни афзал кўради.
Қошларга тегишмайди
“Қошлар табиий бўлиши керак” бу ҳар бир италиялик аёлнинг гўзаллик сирларидан бири. “Менинг оиламдаги аёллар ҳар доим қошларни термаслик керак, деган қоидага амал қилишган. Ёшлигимда қошларимни жуда кўп терардим ёки мум қўярдим. Яхшиямки, улар яна ўсди. Қошлар учун махсус парваришни талаб қилмайдиган муолажаларни бажарган маъқул”, — дейди Клаудия Гразиaно.
Қаҳва скрабларини тайёрлаш
Зайтун ёғини танага суртишдан олдин италиялик аёллар ошхонага кириб, дунёдаги энг яхши скрабни тайёрлайди. Эксфолиатор сифатида улар қаҳва ва кокос мойи аралашмасидан фойдаланади. Улар оёқларига алоҳида эътибор беришади. Қаҳва ўлик ҳужайраларни олиб ташлаш орқали терини қаттиқлаштиради, кокос мойи эса уни намлайди. Кўпгина италияликларнинг таъкидлашича, бундай скраб тери ҳолатини яхшилашга ёрдам беради.
SPF ҳимоясига эга лаб бўёғидан фойдаланинг
Қуёшли кунда уйдан чиқишдан олдин қуёш кремини суртиш қанчалик муҳимлигини ҳаммамиз яхши биламиз. Бироқ биз лабнинг нозик териси ҳам ултрабинафша нурларининг салбий таъсирига дучор бўлиши ҳақида ўйламаймиз. Италиялик аёллар бу ҳақда билишади ва SPF ҳимоясига эга лаб бўёғидан фойдаланишади.
Саримсоқ ёрдамида ҳуснбузардан халос бўлинг
Бу ажойиб маҳсулот нафақат таомларнинг таъмини оширади, балки бошқа кўплаб фойдали хусусиятларга ҳам эга. Антисептик ва яллиғланишга қарши хусусиятлари туфайли саримсоқ ҳуснбузар билан курашишга ёрдам беради. Саримсоқ таркибидаги аллицин ҳуснбузар пайдо бўлишига олиб келадиган бактерияларни ўлдириши мумкин. Ушбу оддий ва самарали усулдан фойдаланиш учун саримсоқнинг кесилган доначасини олиб, ҳусбузар чиққан жойга суртиш кифоя. Натижа узоқ кутилмайди.
Депиляциядан фойдаланиш
Агар сиз кўплаб италян аёллари каби танадаги туклардан халос бўлишни истасангиз, сифатли депиляциядан фойдаланинг. Италиялик аёлларда янги тукларни олиб ташлашнинг афзал усули ҳисобланади. Натижа бир неча ҳафта давом этишини ҳисобга олсак, бу жуда самарали ва арзон.
Кўп мулоқот қилиш
Жисмоний гўзалликда ижтимоий ҳаёт муҳим рол ўйнайди. Италияликлар очиқкўнгил ва оила аъзолари, дўстлари билан вақт ўтказишни яхши кўради. Бундай учрашувлар нафақат руҳий мувозанатни, балки жисмоний саломатликни ҳам сақлашга ёрдам беради, чунки яқин инсонларингиз билан мулоқот қилиш стрессни камайтиради ва кайфиятни яхшилайди.
Фаол турмуш тарзини олиб боринг
Италиялик аёллар одатда жуда фаол ва спорт билан шуғулланишни яхши кўради. Улар тез-тез юришади, велосипед ҳайдашади, ёга, рақс ёки фитнес билан шуғулланишади.
Изоҳ (0)