“Меҳридарё” лойиҳасига Қўқон шаҳрида яшовчи Хилола Маҳмудова мурожаат қилиб, жигар циррозига чалинган ўғлини Ҳиндистонда даволатиш учун халқдан ёрдам сўрамоқда.
— Ўғлим Файзбек Абдумаликов 9 ёшидан буён жигар циррози касаллиги билан оғрийди. Олти йилдан буён ҳар уч ойда Тошкентга келиб, ўғлимни даволатаман. Сўнгги хулосаларга кўра, ўғлимнинг талоғи катталашиб, жигарини эзиб қўйган. Шунинг учун шифокорлар уни зудлик билан Ҳиндистонга олиб бориб, жигар кўчириб ўтказиш амалиётини ўтказиш кераклигини айтишяпти. Афсуски, бу операция Ўзбекистонда ўтказилмайди. Қон таҳлилларим тўғри келгани учун ўзим донор бўлишга қарор қилдим. Ҳиндистондаги клиникадан чақирув қоғозлари ҳам юборилган. Аммо Ҳиндистонга кетишга етарли маблағимиз йўқ. Операция, дори-дармон ва у ерда вақтинчалик яшаш ҳаражатлари 30 минг АҚШ доллари бўлишини айтишди. Ёлғиз ўғлимни даволатиш учун ўзим курашиб келяпман. Ёрдам сўрамаган жойим қолмади. Шукрки, қўлимизда 20 минг АҚШ доллари бор. Ишонаманки, яхши инсонлар бизга ёрдам беришади.
Ўғлим болалик гаштини ҳам суролмади. Тинимсиз оғриқлар уни азоблайди. У 4-синфдан буён мактабга бормайди, синфдошлари ҳозир 8-синф бўлишган. Операциядан кейин фарзандим ҳам тенгдошлари сингари мактабда ўқишини, ўйнаб-кулиб юришини орзу қиламан. Яхши инсонлар, ўғлимни дуо қилинг, имконингиз бўлса моддий ёрдам беринг, — дейди қўқонлик Ҳилола Маҳмудова.
Файзбек Абдумаликовга хайрия қилишни истасангиз,
8600 0610 1289 4365
Maxмудова Ҳилола
Мурожаат учун телефон: +99890) 151 16 85, +99891) 150 08 86
Изоҳ (0)