Шоу-бизнес юлдузлари қандай қилиб бутунлай нормал ҳаёт кечиришини тасаввур қилиш қийин: душанбадан жумагача ишга бориш ва ўз иши учун ўртача маош олиш ҳолати уларга мос келмайди. Бироқ айрим машҳурлар официант, ошпаз, сотувчи, сартарош ва визажист сифатида ишлаш учун шон-шуҳрат ва ҳашаматдан воз кечган. Қуйида шу каби машҳурлар ҳақида маълумот берилади.
Мери-Кейт ва Эшли Олсен
Эгизаклар Мери-Кейт ва Эшли Олсен 11 ёшида “Мен ва менинг соям” комедияси премьерасидан сўнг бойиб кетди. Шундан сўнг улар 12 дан ортиқ лойиҳада суратга тушди, эгизаклар иштирокидаги “Афишадаги дада”, “Парижга паспорт”, “Ўрин алмашамиз”, “Бир куни Римда” фильмлар томошабинлар эътирофига сазовор бўлди. Актрисаларнинг биргаликдаги сўнгги иши 2004 йилда “Нью-Йоркдаги лаҳзалар” фильми эди. Шундан сўнг, Мери-Кейт яна 6 та фильмда эпизодик ролларни ижро этди (улар орасида энг машҳурлари — “Мен Энди Уорхолни алдадим” ва “Қўрқинчли чиройли” фильмлари), Эшли эса кино оламини тарк этди.
Бироқ опа-сингил Олсенлар продюсерлик компаниясининг эгаси бўлди, кийим-кечак ва парфюмерия дизайнини яратиш билан шуғулланди ва Forbes журналининг энг бой аёллар рўйхатига киритилди. Эгизаклар ҳалигача мода ва гўзаллик сабабли актёрлик касбини ўзгартирганини изоҳламайди.
Никки Блонски
Никки Блонски 2007 йилда “Соч учун лак” мусиқий фильмидаги бош роли билан машҳур бўлган. Шундан кейин унинг карьераси юқорилади. Актриса “Қирол ўлчами”, “Гаролд”, “Абадийликни кутиш” комедияларида рол ўйнаган.
Актриса 2011 йилда сартарошлик лицензиясини олди ва ўзининг туғилган шаҳри Буюк Некдаги гўзаллик салонида ишлай бошлади. Мухлислари бахтига Никки кино оламини вақтинчалик тарк этди. Актриса икки йил дам олганидан сўнг, суратга олиш майдончасига қайтди, бироқ у фақат иккинчи даражали қаҳрамонларни ўйнай бошлади.
Кичкина шаҳзода Фредди
70 йилларнинг машҳур комедия устаси Шаҳзода Фреддининг ўғли Кичкина шаҳзода Фредди биринчи ролини 1995 йилда “Маттерслар оиласи” телесериалида ижро этди. Кейинчалик актёр, асосан, ёшлар учун суратга олинган “Ўтган ёзда нима қилганингни биламан”, “Бу ҳаммаси шу”, “Остин-устун”, “Ёзги ўйинлар” ва бошқа комедияларда суратга тушди.
2000 йилларнинг бошида актёр ҳамкасби Сара Мишель Гелларга уйланди ва намунали турмуш ўртоқ ва отага айланди. Ўша пайтдан бошлаб, у кўпчиликни ҳайратда қолдириб, фильмларда кам рол ўйнай бошлади. Актёр бу лойиҳаларда эпизод ролларни ижро этди. Кичик Шаҳзода Фредди ошпаз бўлиш ва ресторан бизнесига кириш орзусини рўёбга чиқариш учун кино оламини тарк этди.
Жизель Бюндхен
Жизель Бюндхен 14 ёшида моделлик фаолиятини бошлаган ва орадан 20 йил ўтиб бу соҳани тарк этган. У 2014 йилда чарчагани, оила, хайрия ва шахсий бизнес лойиҳаларига эътибор қаратмоқчи эканлигини маълум қилди.
Бу вақтга келиб у яхши алоқалар ва молиявий капиталга эга бўлди (турли нашрларнинг рейтингларига кўра, Жизель Бюндхен бир неча бор подиумнинг энг бой юлдузлари орасида биринчи ўринни эгаллаган), шунинг учун у гонорарлар ва контрактга муҳтож эмас эди.
Крис Оуэн
Крис Оуэн 50 га яқин фильмда суратга тушган. Бироқ актёр деярли барча фильмларда эпизодик ролларни ижро этди ва кўпчилик уни “Америка пироги” комедияси орқали танийди. Актёрни яқинда Нью-Йорк чеккасидаги суши-барда учратиб қолишган ва у муассасада тушлик ёки кечки овқат тайёрловчи эмас, официант бўлиб ишлаган.
Ариана Ричардс
Ариана Ричардс биринчи марта 1978 йилда, 8 ёшида “Тилла қизлар” сериалида экранга чиққан. Кейинчалик у ёшлигида яна саккизта фильмда, жумладан, “Зилзила” ва “Юра даврига саёҳат” лойиҳаларида рол ўйнади. Унинг сўнгги фильми 2011 йилда 14 йиллик танаффусдан сўнг “Зилзила-3” лойиҳаси бўлди.
Шундан кейин ҳеч ким Арианани суратга олиш майдончасида учратмади. Ҳозирги кунда ҳамма Ричардни истеъдодли рассом сифатида билади. Айтганча, унинг суратларидан бири Стивен Спилбергнинг шахсий кабинетида туради.
Изоҳ (0)