Фильмларда томошабинлар яхши кўрадиган ролдан актёрнинг оддий чарчоқ ёки тажриба етишмаслиги туфайли бош тортиши одатий ҳол эмас. Бундай ҳолларда томошабинлар актёрлар алмаштирилишидан норози бўлишади. Баъзида эса янги юзлар характерга жозиба қўшади ва унга бошқа бурчакдан қарашга имкон беради. Миллионлаб томошабинлар эътирофига сазовор бўлган “Гарри Поттер” фильмида ҳам бир образни турли актёрлар ижро этган ҳолатлар кузатилган.
Ричард Харрис ва Майкл Гембон — Albus Дамблдор
“Гарри Поттер: Ҳикматлар тоши” ва “Гарри Поттер: Махфий ҳужра” фильмларида Aлбус Дамблдор ролини актёр Ричард Харрис ижро этган, у дастлаб бу ролни гавдалантиришни истамаган, бироқ невараси уни фильмда суратга тушишга кўндирган. Агар Ричард ролдан воз кечса, невараси у билан гаплашмаслигини айтган. Ричард набирасига қарши чиқа олмаслигини тушуниб етди ва директор Крис Колумбнинг таклифига рози бўлди. Ричард Харрис дарҳол Aлбус Дамблдор образига киришиб кетди, шунингдек, Жоан Роулингнинг асарлари ва суратга олиш гуруҳини яхши кўриб қолди.
Ричарднинг таъкидлашича, “Гарри Поттер” фильмининг суратга олиш гуруҳи унинг узоқ йиллик карьерасидаги энг қадрлиси бўлиб қолган. Дэниэл Редклифф, Эмма Уотсон ва Руперт Гринт фильмнинг иккинчи қисмидаги сўнгги саҳнасини суратга олиш чоғида актёр билан йиғлаб, қучоқлашган. Ричард Харрис “Гарри Поттер: Азкабан махбуси” фильмида ҳам рол ўйнамоқчи эди, бироқ кутилмаганда касаллик унинг аҳволини оғирлаштирди.
Актёрнинг ўрнига аввалги қисмларда Гендалф ролини ижро этган Ян Маккелен олиниши мумкин эди, бироқ бир вақтлар Ричард Харрис Яннинг актёрлик қобилиятини камситган ва шу сабабли Маккеллен Харрисга тегишли бўлган ролни ижро этишдан бош тортган.
Бошқа бир қанча номзодлардан сўнг якуний танлов Майкл Гембон бўлди, у ижро этган Дамблдор образи Ричард Харриснинг ижросидан кескин фарқ қилади.
Бу қисман Гембоннинг Жоан Роулингнинг китобларини ўқимаганлиги ва уни тузатмоқчи эмаслиги ва фақат сценарийга таяниши билан боғлиқ. Мухлисларга нафақат янгиланган Albusнинг характери, балки унинг “Гарри Поттер: Азкабан махбуси” лойиҳасидаги кўриниши, айниқса, Дамблдорни ақлдан озган сеҳргарга ўхшаб кўрсатган жуда узун тирноқлари ва бепарво соч турмаги ёқмади.
Женнифер Смит ва Жесси Кейв — Лаванда Браун
Фильмнинг биринчи қисмида Лаванда Браун ролини қора танли актриса Кетлин Коли ижро этган. “Гарри Поттер: Азкабан махбуси” фильмида унинг ўрнини Женнифер Смит эгаллади. Лаванда “Ярим қонли шаҳзода” лойиҳасида иккинчи даражали қаҳрамонга айланганда, Жесси Кейв унинг ролини ўз зиммасига олди. Лаванда аввал тилга олинмагани ва ҳар доим фонда ёки кўпчиликнинг орасида бўлгани учун бу ролдаги актрисанинг алмаштирилганини энг эътиборли мухлислардан ташқари ҳеч ким пайқамади. Фильмнинг иккинчи қисмида Лаванда Фенрир қўлида ҳалок бўлади, бироқ асарда у тирик қолади. Бу образ китобда ҳам, фильмда ҳам мактабни ҳимоя қилишдан қўрқмайдиган жуда жасур қиз сифатида тақдим этилди.
Женевев Гонт ва Скарлетт Ҳефнер — Пенси Паркинсон
Пенси Паркинсон — бу фильмлар давомида Драко Малфой билан бирга пайдо бўладиган ва “Гарри Поттер: Азкабан махбуси” киносидаги маҳоратли актриса Женевев Гонт томонидан ижро этилган образ. Жоан Роулинг Пенсини барча қизларнинг ўсмирлик давридаги қўрқинчли қиёфаси асосида яратди. Фильм қисмларида у “Тутиб олинг” деб бақириши ва Гарри Поттернинг дўстларига қарши чиқиши керак эди. Женевев Гонт Паркинсон ролини фақат “Гарри Поттер: Азкабан махбуси” фильмида ижро этган, Скарлетт Хефнер эса кейинги барча фильмларда бу образни ўйнаган.
Ричард Бреммер ва Рейф Файнс – Волдеморт
Фильмда Волдемортнинг ёшлигини Кристиан Коулсон, Фрэнк Диллейн ва Хиро-Файнс Тиффин ижро этган. Катта Волдеморт образини Ричард Бреммер ва Рейф Файнс гавдалантирган. Ричард бу қаҳрамон бошининг орқа томонидаги юзи сифатида пайдо бўлди, бироқ “Ҳикматлар тоши”да Волдемортга Ричард эмас, Тео Кипри овоз берди. “Аланга кубоги” фильмидан кейин Ричард Харрис “Гарри Поттер” актёрлари таркибига қўшилишни истамаган, лекин синглисининг босими остида қолган Ралф Файнс ушбу образни гавдалантирган.
Дерек Дидман ва Жим Таваре — бармен Том
Бармен Том Хогварцда ўқиган ва 1938 йилгача бармен бўлиб ишлаган. Фильмлар ва китоблардаги воқеалардан кейин Томнинг тақдири қандай кечгани номаълум, чунки унинг иш жойини Томнинг рафиқаси Ханна Эботт бошқарган. Том нафақага чиққан ёки вафот этган. Фильмнинг биринчи қисмида Том ролини Дерек Дидман, “Гарри Поттер: Азкабан махбуси”да бу образни Жим Таваре ўйнаган.
Изоҳ (0)