• Профилга Кириш
  • 4992fdfd-8954-4c05-b6e3-f510f81a73b5.svg f28f9d5b-7461-4f14-8ebe-571256959e43.svg

  • Сўнгги янгиликлар
  • Асосий янгиликлар
  • Энг кўп ўқилган
  • Колумнистлар
O'zbekcha
Русский
English
  • O'zb
  • Ўзб
  • Рус
  • Eng
  • O'zb
  • Ўзб
  • Рус
  • Eng
  • Сўнгги янгиликлар
  • Асосий янгиликлар
  • Энг кўп ўқилган
  • Колумнистлар
    • USD12857.35
    • RUB163.45
    • EUR14672.81
    • Google play
    • App Store
    • Telegram
    • Тошкентда
      +30°C
      • Андижон
      • Қарши
      • Бухоро
      • Самарқанд
      • Фарғона
      • Сирдарё
      • Жиззах
      • Термиз
      • Наманган
      • Тошкент
      • Навоий
      • Тошкент вил
      • Нукус
      • Урганч
    • Daryo
      • Интернет-нашр
      • Таҳририят
      • Алоқа маълумотлари
      • Фойдаланиш шартлари
      • Махфийлик сиёсати
      • Янгиликлар архиви
    • Реклама
    • Ижтимоий тармоқлар
      • Instagram | Расмий
      • Instagram | Лайфстайл
      • Instagram | Спорт
      • Facebook | Расмий
      • OK | Расмий
      • YouTube | Daryo
      • YouTube | Daryo Рус тилида
      • YouTube | Daryo Глобал
    Telegram Youtube Facebook Instagram Twitter vkontakte
    Daryo logo white
    • Маҳаллий (Ўзб)
      • Об-хаво
      • Навоий
      • Тошкент вилояти
      • Сирдарё
      • Жиззах
      • Қашқадарё
      • Сурхондарё
      • Хоразм
      • Бухоро
      • Самарқанд
      • Наманган
      • Фарғона
      • Aндижон
      • Тошкент ш.
      • Меҳридарё
      • Бошқалар
    • Марказий Осиё
      • Ўзбекистон (Маҳаллий)
      • Афгонистон
      • Қирғизистон
      • Қозоғистон
      • Туркманистон
      • Тожикистон
    • Дунё
    • Пул
      • Бизнес
      • Иқтисодиёт
      • Молия
      • Крипто
    • Маданият
      • Кино
      • Китоб
      • Мусиқа
      • Шоу-бизнес
    • Лайфстайл
      • Аёллар саҳифаси
        • Фарзанд
        • Гўзаллик
        • Карьера
        • Маслаҳатлар
        • Мода
        • Рецептлар
        • Қорақалпоғистон
      • Технологиялар
        • Архитектура
        • Гаджетлар
        • Илм-фан
        • Коинот
        • Медиа
      • Авто
      • Қўзиқорин
      • Саёҳат
      • Саломатлик
      • Таълим
        • Абитуриент
        • Инглиз тилини ўрганамиз!
    • Спорт
      • Футбол
      • UFC
      • Бокс
    infinix
    Daryo.uz - Login
    Daryo.uz Daryo.uz
    Daryo.uz - Login
    Шоу-бизнес

    Меҳрибонлик уйида улғайган, хароба уйни рад этган ва шахсий ҳаётидан воз кечган актриса Зарина Йўлдошева 23 ёшда (фото, видео)

    Актриса Зарина Йўлдошевани ҳазиломуз видеолари сабаб кўпчилик ҳаётда дардсиз ва муаммолардан ҳоли қиз деб ўйлайди. Аммо эндигина 23 ёшни қаршилаган Зарина Йўлдошева болалигидан қийинчиликлар ичида ўсди. Аввалига отасидан, сўнг онасидан айрилди. Энг ёмони у 16 ёшига қадар Меҳрибонлик уйида тарбияланди. Чиройли қизни йўлдан айнитадиган инсонлар кўп бўлади. Аммо Зарина уларнинг гап-сўзларига эътибор бермай қўйган мақсдлари сари дадил қадам ташлади.

    “Ота-онамдан эрта айрилганман”

    Фото: Instagram / @zarina_yuldashova

    — Дадамни эслолмайман, онам эса 12 ёшимда касаллик сабаб вафот этди. Бувим кексайиб қолгани ва моддий жиҳатдан қийинчиликларга дуч келгани учун мен, синглим ва укамни болалар уйига топширишга мажбур бўлган. Тўрт йил давомида меҳрибонлик уйида тарбияландим. У пайтда бувим 70 ёшга тўлгани учун учта ёш бола билан қийналиб қолган. Ҳолам, тоғамнинг ўз оиласи ва ўзига яраша муаммолари бор эди. Шу боис бизни мактаб-интернатига топширмоқчи бўлишган. Кимдир бувимга “Мактаби ҳам интернат ичида экан. Якшанба куни уйга олиб келсангиз бўлади”, — деган экан. У пайтда мен 6-синфда ўқирдим. Укам ва синглимга қараганда анча катта бўлганим учун мактаб-интернати нима эканлигини яхши билардим. Аммо у ерга боргач, ҳаммамиз бу шунчаки мактаб-интернати эмас, ота-онасиз яшайдиган меҳрибонлик уйи эканлигини билганмиз. Росса йиғлаганмиз, бизга қўшилиб бувим ҳам кўзёш тўккан. Аммо ўша пайтдаги оилавий шароит сабаб, бизни бу ерда қолдиришга мажбур бўлган. Бувимнинг ёши катта бўлишига қарамай ҳар ҳафта бизни кўргани келарди, — дейди актриса.

    “Меҳрибонлик уйида рақсга меҳр қўйдим”

    Актрисанинг оила аъзолари орасида санъаткорлар йўқ. Аммо онаси раҳматли ҳам болалигида санъатга қизиққан экан. Зарина Йўлдошеванинг санъатга меҳр қўйишига Меҳрибонлик уйидаги рақс тўгараги сабаб бўлган.

    Фото: Instagram / @zarina_yuldashova

    — Дарсдан кейин рақс тўгарагига қатнашардим. Шунда рақс мураббийим “Сен Хореография олий мактабида ўқишинг керак, қобилиятинг бор”, деди. Мактабни тамомлаганимдан кейин қўлимдан ушлаб, Тошкентдаги Хореография олий мактабига олиб келиб, ўқишга жойлаштиришган. Классик рақс ҳаракатларидан бехабар бўлганим учун кўп қийналганман, дугоналарим томонидан камситилган пайтларим ҳам бўлган. Тошкентга келиб яшашим осон кечмади. Моддий қийинчиликлар сабаб тўйларга чиқиб пул ишлашга ҳам мажбур бўлганман. Аммо бу ишимдан бувим қаттиқ ранжиган. Шу боис қайта тўйларга чиқмаганман.

    “Хароб уйни олмадим”

    Зарина Йўлдошева интервьюларининг бирида меҳрибонлик уйидаги ҳаёти ва давлат томонидан берилган уйни рад этганлиги ҳақида ҳам сўзлаб берган.

    Фото: Instagram / @zarina_yuldashova

    — Баъзан меҳрибонлик уйида ўсган болалар меҳрсиз бўлади, деган гапларни эшитиб хафа бўлардим. Ҳаётда ота-онасининг бағрида ўсиб ҳам меҳрсиз бўлган болалар кам эмас-ку? Меҳрибонлик уйида ўсган бола меҳрсиз эмас, аксинча меҳрга чанқоқ бўлади. Истаймизми, йўқми меҳрибонлик уйида унга ҳамма бегона, урилиб-сурилиб катта бўлади. Энг яхши дейилган меҳрибонлик уйида ҳам тарбиячилар болаларга меҳр бермайди. Шунинг учун ҳам ташқаридаги инсонлар унга озгина меҳр беришса, қувониб кетишади.

    Меҳрибонлик уйининг ҳам ички тартиб-қоидалари бор. Ҳатто уларнинг баъзиларидан тарбиячилар ҳам бехабар бўлишади. Масалан, ёши кичик болалар катта болаларнинг хизматини қилиши керак. Қоидага бўйсунмаган бола, албатта, жазоланади. Чақалоқлик пайтидан меҳрибонлик уйида улғайган болалар анчайин агрессив бўлишади.

    Фото: Instagram / @zarina_yuldashova

    Менга ҳам ҳокимият томонидан уй бериш тўғрисида буйруқ чиқарилган эди. Ўзим Тошкентда бўлганим учун уни бувим кўриб келди. Бизга берилган уй қандайдир эски мактаб биносида экан, бувимнинг айтишича, бу уйда энг муҳтож инсон ҳам яшаши мушкул. Бундай хароб уйни олмай, имтиёзли кредит асосида икки хонали уй сотиб олдим.

    “Юлдуз Усмонова сабаб актрисаликка қадам қўйдим”

    Фото: Instagram / @zarina_yuldashova

    — 2017 йили ансамблимиз билан Юлдуз Усмонованинг “Эй азиз инсон” концерт дастурида иштирок этганмиз. Юлдуз опа созандалар билан машқ қилаётганида бир четда мароқ билан қўшиққа рақс тушганман. Шунда Юлдуз опа ёнларига чақириб, шу қўшиққа якка рақс тушсин, деган.

    Бир неча ойдан сўнг, ярим кечаси Юлдуз Усмонованинг маъмури қўнғироқ қилиб, қайсидир актриса клип 'сёмка'сига келолмагани ва ўрнига мен суратга тушишимни айтди. Рости, бу таклифга кўнишим осон бўлмади. Суратга олиш ишлари бор-йўғи 30-40 дақиқа давом этди.'Сёмка'дан сўнг клипдаги эпизодим учун 50 АҚШ доллари беришди. Бу 17 ёшимгача топган энг кўп пулим эди. Мана шу воқеадан сўнг клиплардан таклиф тушса, рад этмайдиган бўлдим, — дейди Зарина Йўлдошева. 

    “Ўзимни бечора кўрсатиб, атрофдагиларнинг раҳмини келтиргим келмайди”

    Фото: Instagram / @zarina_yuldashova

    — Мен ўзимни бечора кўрсатиб, одамлардан нимадир тилаб яшашни истамайман. Ҳатто санъатга кирганимдан кейин ҳам анча муддат атрофдагиларга шахсий ҳаётим ҳақида айтмаганман. Меҳрибонлик уйи раҳбарини “Одамийлик мулки” кўрсатувига таклиф этишганида, менга қўнғироқ қилиб: “Сен ҳам бориб интервью бер”, деди. Рости, шу даражага етишимга ҳисса қўшган инсонга рад жавобини беролмадим. Кўрсатув эфирга кетгач, атрофимдаги инсонлар шахсий ҳаётимдан хабар топишди,  — дейди Зарина Йўлдошева. 

    “Кимгадир пул бериб, рол ижро этмаяпман”

    Фото: Instagram / @zarina_yuldashova

    — Шу кунгача ҳеч бир режиссёрга рол сўраб мурожаат қилмаганман. Таклиф этишса, имкон даражасида ижро этаман. Аммо ўзимни қобилиятли актриса деб билмайман. Ёши катта актрисалар билмаганларимни ўргатишади, институтда ўқишимни тавсия қилишади. Баъзи ёш актрисалар эса ортимдан негатив гаплар тарқатиб, ғашимни келтиришади. “Ўзини бечора кўрсатиб, пиар қиляпти ёки пул бериб роллар ижро этяпти”, деган гаплар ҳам қулоғимга чалинди. Менимча, ҳеч бир инсон ота-онаси вафот этганлиги ҳақида гапириб обрў олишни истамайди. Мен санъатга пул бериш эмас, пул ишлаш учун қадам қўйганимни ҳам кўпчилик билишади,  — дейди Зарина Йўлдошева. 

    “Синглим ва укамни оёққа қўймагунимча шахсий ҳаётим ҳақида ўйлай олмайман”

    Фото: Instagram / @zarina_yuldashova

    — Яширмайман, ота-онамнинг уйи бўлмаган. Укам билан синглим меҳрибонлик уйидан келгач, ўз уйида яшашини истардим. Шу боис институтда ўқишни истамадим. Болалигимдан укам билан синглим Меҳрибонлик уйидан қайтганида уйсиз яшайдими, деб қўрққандим. Шукрки, улар Меҳрибонлик уйини тамомлагунларига қадар уй-жойли бўлиш ниятим ҳам амалга ошди. Синглим Чарос Низомий номидаги педагогика университетида таҳсил олди, Укам Лочинбек ҳам ўқиш билан банд. Уларнинг тўйини қилиш ва бахтли кунларини кўриш орзуйим бор,  — дейди Зарина Йўлдошева. 

    “Актрисаликни давом эттириш ниятим йўқ”

    Фото: Instagram / @zarina_yuldashova

    — Келажагимни санъат соҳасида тасаввур этмайман. Актрисаликни давом эттириш ниятим йўқ. Фарзандларим менда бўлмаган тўкис-тугал оилада вояга етишларини истайман. Уларни мактабга олиб бориш ва уйга олиб келиш катта бахт. Ўзим кўрмаган бахтни фарзандларим ҳис қилишини орзу қиламан, — дейди актриса Зарина Йўлдошева.

    Актриса шу кунгача, “Кўнгил”, “Ўжар ҳомиладор” каби сериалларда суратга тушган. Бундан ташқари, у Шаҳзод Султонов билан бирга ижтимоий тармоқлар учун видеолар ҳам суратга олади. Айрим кузатувчилар улар бир-бирига мос жуфтлик эканлигини айтишади. Аммо ижодкорларнинг иккиси ҳам шунчаки ҳамкор эканлигини ва ўрталарида муҳаббат йўқлигини таъкидлашади .

    08.06.2023, 09:30   Изоҳ (0)   58414
    Facebook Twitter LinkedIn Telegram Email

    Изоҳ (0)

    Кириш
    Жавоб қолдиринг Бекор қилиш

    ×Lightbox Image

    Daryo.uz | Сизнинг муаммоингиз ечими


    “Payme фойдаланувчиларининг ҳаётий ҳикоялари асосида”: Далер синглисига картадаги пулни ўғирликдан сақлашга қандай ёрдам берди


    Болаларнинг неврологик касалликларини тўғри даволаш йўлларини излаш


    Мукофот жамғармаси 1 млн долларлик President Tech Award танловига аризалар қабули давом этмоқда


    Тошкентда Lenovo Store бренд дўконининг очилиши бўлиб ўтди


    Shivaki Фриго Cоол — маҳсулотларингизнинг кафолатли сақланиши!


    Тошкентдаги Central Park’да Huggies болалар брендининг она ва бола хонаси очилди


    Жиззах шаҳрида Jizzakh АDМ ҳудудида Кореянинг DМC компанияси билан ҳамкорликда янги мажмуа қурилиши бошланишига бағишланган вақт капсуласини жойлаш маросими бўлиб ўтди


    “Агробанк” томонидан “Сувчилар мактаби” лойиҳаси йўлга қўйилди


    Kiaънинг расмий дистрибютори бўлган Roodell компанияси — Kia Селтос Kia соҳибларини Kia Го шиори остида ўтказиладиган спорт-кўнгилочар тадбирда иштирок этишлари учун чорлади!


     Эндиликда Payme орқали давлат намунасидаги маълумотномаларни олиш мумкин


    Korzinka’дан BYD Song Plus: кенг кўламли акцияда қатнашинг, электромобиль миниб кетинг


    Тошкентда яна бир йирик лойиҳа – Шошкент турар жой мажмуасининг сотув офиси ўз фаолиятини бошлади


    Узбекинвест компанияси 2023 йилда электрон полисларни жорий этиш бўйича етакчиликни сақлаб қолди


     Асакабанк “Mastercard билан Венецияга” акциясини бошлади


     Mobiuz компанияси “Хотиржам” тариф режаларини тақдим этди

     

    Тавсия этамиз

    Музлаткич ичида жон сақлаган бола, Apple’нинг янги маҳсулотлари, судга чақирилган шаҳзода — 6 июнь суратлари

    06.06.2023, 22:25

    Ўқувчиларга берилаётган паспорт, Тошкентда пайдо бўлган овозкучайтиргичли автоуловлар, ўта хавфли жиноятчини қўлга олиш жараёни — Тошкент шаҳар ИИББ архивидан фото...

    06.06.2023, 16:27

    “Морг”га айлантирилган мактаб, чопон кийиб олган Рафет Эл Роман, метро зинасида ухлаётганлар — 5 июнь суратлари

    05.06.2023, 22:45

    “Барчамиз учун жиддий сигнал бўлди” — қашқадарёлик етти блогер ўз фаолиятини тугатди

    05.06.2023, 17:00
     
     
     

    Сўнгги янгиликларга ўтиш

    “Олтин йигитча” Оскар де ла Ҳоя иштирокидаги энг яхши 5 та жанг 

    Спорт | 14.09.2023, 17:42

    Тўқимачилик фабрикалари, қуллар савдоси ва елканли кемалар. “Манчестер Сити” ва “Манчестер Юнайтед” клублари логотипидаги кема рамзининг тарихи

    Спорт | 02.07.2023, 22:51

    “Мутлақо ўхшамайди”: поп қироли Майкл Жексоннинг 26 ёшли ўғли қандай кўринишга эга ва ҳозир нималар билан банд? (фото)

    Шоу-бизнес | 19.06.2023, 19:30

    Қондош дублёрлар:Фильмларда ўз эгизаги билан иштирок этувчи турк актёрлари (фото)

    Шоу-бизнес | 18.06.2023, 12:40

    Шаффоф пошнали пойабзал , шўнғишга мўлжалланган костюм: Майкл Жексон, Брандо ва бошқа машҳурлар ихтиро қилган буюмлар (фото)

    Шоу-бизнес | 14.06.2023, 19:40

    Фильмнинг 1 қисми учун юқори гонорар, шахсий автоуй: Турк актёрларининг ақл бовар қилмайдиган талаблари

    Шоу-бизнес | 12.06.2023, 13:37

    “Манчестер Сити” ёки “Интер” ҳужумчиси тарихда қолади. Бир мавсумда ҳам ЕЧЛ, ҳам ЖЧ кубогини қўлга киритган тўққиз футболчи ҳақида

    Спорт | 10.06.2023, 17:40

    Ширинликларга қарамликдан келиб чиқувчи 4 та хавотирли аломатлар

    Саломатлик | 09.06.2023, 19:30

    Том Хенкс ўзи иштирокидаги баъзи фильмларни ёмон кўриши ҳақида сўзлаб берди

    Шоу-бизнес | 09.06.2023, 10:29

    Кўз олдида онаси отасини отиб ташлаган: фожиали воқеаларни бошдан кечирган машҳур аёллар (фото)

    Шоу-бизнес | 08.06.2023, 18:48
    Daryo About Us

    «Daryo» интернет-нашрининг (Ўзбекистон матбуот ва ахборот агентлиги (ЎзМАА, ҳозирги Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги) томонидан 13.03.2015 йил санасида 0944-сонли гувоҳнома билан оммавий ахборот воситаси сифатида рўйхатга олинган). Матнли материалларини тўлиқ кўчириш ёки қисман иқтибос келтиришга, шунингдек, фотографик, график, аудио- ва/ёки видеоматериалларидан фойдаланишга daryo.uz сайтига гиперҳавола мавжуд бўлган ва/ёки «Daryo» интернет-нашрининг муаллифлигини кўрсатувчи ёзув илова қилинган тақдирда йўл қўйилади. Чоп этиладиган баъзи маълумотлар 18 ёшга тўлмаган фойдаланувчиларга мўлжалланмаган бўлиши мумкин. Info@daryo.uz

    Telegram Youtube Facebook Instagram Twitter vkontakte

    © «Simple Networking Solutions» МЧЖ, 2013–2025

    Ёш бўйича чеклов

    Хато топдингизми? Ctrl+Enter тугмаларини босинг

    • Фойдаланиш шартлари
    • Махфийлик сиёсати
    • Реклама
    Нимани қидирамиз?

    Sign In or Register

    Хуш келибсиз!

    Тизимга киринг ёки Рўйхатдан ўтинг.

    Google

    ёки Э-Почта орқали

    Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатади

    Рўйхатдан ўтинг

    Рўйхатдан ўтганмисиз? Login.

    Google

    ёки Э-Почта орқали

    Сизга парол электрон почта орқали юборилади.

    Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатади

    Матнда хато топдингизми?

    ×

    Раҳмат. Биз сизнинг хабарингизни олдик ва хатони имкон қадар тезроқ тузатамиз.