Rol o‘ynagan filmlari katta daromad keltiradigan aktyor va aktrisalar reytingi tuzildi. 1-o‘rinda kim ekani xayolingizga ham kelmagan
Filmlarning asosiy vazifasi nafaqat tomoshabinni xursand qilish, balki ijodkorlarga pul olib kelishdir. The Numbers veb-sayti Gollivud kino sanoatidagi ko‘plab yulduzlarning rollarini tahlil qildi va maksimal daromad keltirganlar reytingini tuzdi.
Anjelina Joli – 23-o‘rin
Gollivud go‘zallaridan biri Anjelina Joli karyerasini 7 yoshida boshlagan. O‘shandan beri uni muntazam ravishda ko‘plab ajoyib filmlarda ko‘rish mumkin. Ikkita “Oskar” mukofoti Joli nafaqat sohibjamol, balki turli obrazlarni o‘ynay oladigan iste’dodli aktrisa ekanligini isbotlaydi. Uning tijoriy jihatdan eng muvaffaqiyatli filmlari orasida “Malefisenta” filmi va “Kung-fu panda” multfilmi bor.
Dueyn Jonson – 21-o‘rin
Dueyn Jonson tashqi ko‘rinishi bilan tomoshabin e’tiborini o‘ziga torta oladi. Ko‘plab filmlarining kassasi esa buni tasdiqlaydi. Jonson ishtirokidagi eng muvaffaqiyatli loyihalar “Moana” multfilmi, “Forsaj: Xobbs va Shou” spin-offi va “Jumanji” filmining ikkala qismidir.
Helena Bonem Karter - 18-o‘rin
Yorqin va eksentrik Helena Bonem Karter nafaqat Tim Byorton filmlarida alohida o‘rin tutadi. Uning filmografiyasidagi tijoriy jihatdan eng muvaffaqiyatli kartinalar “Garri Potter” franshizasidagi yovuz ayol Bellatriks Lestrenj, “Zolushka”dagi cho‘qintirgan pari va “Alisa mo‘jizalar mamlakatida” filmidagi Qizil qirolicha.
Skarlett Yoxansson — 17-o‘rin
Qora beva roli Skarlett Yoxansson karyerasidagi eng mashhur roli hisoblanadi. Bu, shuningdek, eng daromadlisi ham. Uning superqahramon franshizasidagi roli chinakam shon-shuhrat keltirgan bo‘lsa-da, filmografiyasida boshqa ko‘plab dramatik rollari ham mavjud.
Jeyson Steytem — 16-o‘rin
Jeyson Steytem kino olamidagi barqarorlik namunasidir. Uning filmografiyasida juda ko‘p asarlar mavjud. Biroq keng professional diapazonga qaramay, Steytem kino ijodkorlari uchun eng daromadli aktyorlardan biri hisoblanadi.
Emma Stoun — 14-o‘rin
Emma Stoun o‘zining 18 yillik faoliyati davomida teleseriallar va B toifadagi filmlar epizodlarida rol o‘ynagan aktrisadan “Oskar” sohibasiga aylandi. Uning filmografiyasidagi eng muvaffaqiyatli va taniqli asarlarni “O‘rgimchak odam” haqidagi 2 filmdagi Gven Steysi, “La La Lend” filmidagi Mia va “Krudslar oilasi” multfilmidagi Gip roli deb atash mumkin.
Bredli Kuper — 12-o‘rin
Bredli Kuperning filmografiyasida juda ko‘p jiddiy rollar mavjud va 9 ta “Oskar” nominatsiyasi Kuperning inkor etib bo‘lmaydigan iste’dodi borligini tasdiqlaydi. Uning mashhurligiga Marvel olamida ovoz bergan beparvo va bezbet yenot Raket obrazi katta hissa qo‘shdi.
Jon Favro — 7-o‘rin
Jon Favro rejissyor va yordamchi aktyor sifatida tanilgan. Uning eng katta reklama hiti "Temir odam" filmi bo‘ldi. Jon nafaqat unga rejissyorlik qildi, balki eng yorqin epizodik qahramonlardan biri — Toni Starkning do‘sti va yordamchisi Heppi rolini ham ijro etdi. Kelajakda u franshizaning yana 6 ta filmida suratga tushdi.
Uill Smit — 6-o‘rin
Uill Smit qiziqarli rekordning egasi — u ishtirok etgan 8 ta filmning har biri kinoteatrlarda 100 million dollardan ko‘proq pul yig‘gan birinchi aktyor bo‘ldi. Bu shunchaki omad emas, balki Smitning inkor etib bo‘lmaydigan iste’dodidir. Uning tijoriy jihatdan eng muvaffaqiyatli asarlari qatoriga “Olouddin” filmidagi Jin, “Yomon bolalar” filmidagi politsiyachi va “Henkok” filmidagi super qahramon roli kiradi.
Leonardo Di Kaprio — 5-o‘rin
Leonardo Di Kaprio — iste’dodi doimo alohida e’tiborga loyiq bo‘lgan ajoyib aktyor. Eng muvaffaqiyatli filmlari qatorida “Oskar” mukofotiga sazovor bo‘lgan “Omon qolgan”, “Muqaddima” va eng mashhur “Titanik” filmlari hisoblanadi.
Sandra Bullok — 3-o‘rin
“Oskar” sovrindori Sandra Bullok kino ijodkorlari va tomoshabinlarga o‘zining iqtidorli va serqirra aktrisa ekanligini bir necha bor isbotlagan. Uning filmografiyasida jiddiy dramatik rollar ham, komedik rollar ham mavjud. Tijoriy jihatdan eng muvaffaqiyatli filmlar orasida “Gravitatsiya”, “Ko‘rinmas tomon” va “Yo‘qolgan shahar” filmlari bor.
Kichik Robert Dauni — 1-o‘rin
Gollivuddagi tijoriy jihatdan eng muvaffaqiyatli aktyor bu daho, milliarder va xayriyachi kichik Robert Dauni. Uning ijodiy faoliyati 5 yoshida boshlangan, hayoti ko‘tarilishlar va pasayishlarga boy bo‘lgan. Ammo, shunga qaramay, Toni Stark rolidan keyin butun dunyo bo‘ylab mashhurlik va shon-shuhratga ko‘mildi.
