Prigojin isyonidan keyin Putin rekord darajada maxfiy farmonlar imzoladi
“Vagner” rahbari Yevgeniy Prigojin isyonidan keyin Rossiya prezidenti Vladimir Putinning maxfiy farmonlari soni keskin oshdi. E’lon qilinmagan farmonlar soni rekord darajada — 62 foizni tashkil etdi. Bu haqda Mediazona xabar berdi.
Rossiyalik jurnalistlar prezident farmonlarini raqamlar bo‘yicha o‘rganib, yetishmayotgan raqamlar ochiqlanmagan maxfiy farmonlar ekanini aniqladi.
Putinning butun hukmronligi davrida bu kabi maxfiy farmonlarining yuqori foizi kuzatilmagan. Faqat 1999-yil yanvar oyida bir marta maxfiy farmonlarning ulushi 64 foizni tashkil qilgan.
Umuman olganda, 2023-yil juda ko‘p maxfiy farmonlar imzolangani bilan ajralib turadi, ya’ni umumiy miqdorning deyarli yarmi.
Yashirin farmonlar ko‘pincha Ukrainaga qarshi urush qatnashchilariga vafotidan keyin mukofotlar berish bilan bog‘liq, ammo o‘tkazib yuborilgan farmonlarning maksimal soni 27—31-iyul kunlari qayd etilgani qiziq. Ular safarbarlikka tayyorgarlik bilan bog‘liq bo‘lishi mumkin.
