UzAuto Motors 2023-yildan keyin avtomobillar 3 oy ichida egalariga topshirilishini e’lon qildi

UzAuto Motors 2024-yildan avtomobillarni uch oy ichida egalariga yetkazib berilishini ma’lum qildi.

Kompaniya matbuot xizmati bergan ma’lumotga ko‘ra, 2023-yil 4-avgustdan boshlab deyarli 51 mingga yaqin Chevrolet Lacetti, Cobalt, Damas va Labo avtomobillari uchun shartnomalarga to‘lov amalga oshirildi.

Ishlab chiqarish jadvaliga muvofiq savdo tizimi joriy etilgani sabab, tuzilgan shartnomalar bo‘yicha barcha avtomobillar 2023-yilda o‘z egalariga topshiriladi. Keyinchalik bu muddat 3 oydan oshmaydi.

Kutish vaqtini uzayib ketishiga yo‘l qo‘ymaslik uchun 2024-yilda ishlab chiqarilgan avtomobillar kontraktatsiyasi haqida keyinroq kompaniya rasmiy sahifalarida e’lon qilinadi.