“Tolibon” ISHID safidagi o‘zbekistonlikni yo‘q qildi 

“Tolibon” harakati ISHID terrorchilik guruhi safidagi O‘zbekiston fuqarosini yo‘q qildi. Bu haqda Sputnik Afg‘oniston xabar berdi.

Afg‘onistonning Bagram shahrida olib borilgan operatsiyada ISHIDning ikki nafar a’zosi yo‘q qilingan va ularning shaxsiga aniqlik kiritilgan:

• Najib taxallusli — Qunduz viloyatida tug‘ilgan, Nimrozdagi terrorchilik guruhini boshqargan.
• Anas taxallusli — O‘zbekiston fuqarosi bo‘lib, teraktlarni rejalashtirishda ishtirok etgan.

Ularning har ikkalasi Kobulda teraktlar tayyorlashni rejalashtirgan. Shuningdek, Mozori Sharifda ISHID safidagi Tojikiston fuqarosi hibsga olingani aytilmoqda. U Balx va Qunduzda teraktlar tayyorlayotgan bo‘lgan.

ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.