Jennifer Lopes 54 yoshini Ben Afflek va 5 nafar farzandi bilan birga nishonladi. Xonanda mehmonlar olqishi ostida stol ustida raqsga tushdi
2021-yilda Ben Afflek va Jennifer Lopes ko‘p yillik kelishmovchilikdan keyin munosabatlarini tikladi. O‘sha paytda sevishganlar nikohdan o‘tishga ulgurmagan bo‘lsa-da, 2022-yilda ular ittifoqlarini rasmiylashtirdi. Bugun esa Ben va Jennifer har qachongidan ham baxtliroq.
Yaqinda qo‘shiqchi o‘zining 54 yoshini nishonladi. Bu bayramni uning eri uyushtirgan. Yaqin do‘stlari va oila a’zolari, jumladan Benning Jennifer Garner bilan turmushidan bo‘lgan farzandlari, shuningdek, Lopesning Mark Entoni bilan nikohidan bo‘lgan o‘g‘li va qizi ham o‘sha yerda edi.
Tadbir qahramoni tug‘ilgan kun haqidagi taassurotlari bilan o‘rtoqlashdi:
“Tug‘ilgan kunimda barcha bolalarimiz ishtirok etdi. Bu quyosh nur sochayotgan ajoyib kun edi, shu bilan birga, basseynda cho‘milib, maza qiladigan ajoyib kecha bo‘ldi”.
Lopes hatto mehmonlarning olqishi ostida stol ustida raqsga tushdi.
Xonanda ayni damda oilasi bilan birga ekanidan baxtiyorligini ta’kidlaydi:
“Men qadrli va muhim inson ekanligimni his qilyapman. Tug‘ilgan kunimni baham ko‘rishim mumkin bo‘lgan shunday ajoyib va g‘amxo‘r insonlar bilan muloqotga kirishganim uchun taqdirdan juda minnatdorman”.
Jennifer va Ben bir kun kelib farzand ko‘rishlari ham mumkin. Darhaqiqat, 2012-yilda o‘sha paytda Afflekning rafiqasi Jennifer Garner: “Ha, Ben yana farzandli bo‘lishni istaydi. Biroq men bunga tayyor emasman” degandi. Bundan tashqari, o‘sha paytda er-xotinning 3 nafar farzandi bor edi.
Jennifer Lopes ham Aleks Rodriges (2017—2021) bilan turmush qurganida ko‘p farzand ko‘rishni xohlayotgani haqida gapirgandi: “Ha, xohlayman! Oilamni kengaytirmoqchiman. Men bunga qarshi emasman”. O‘sha paytda uning o‘g‘li va qizi bor edi.
Jennifer Ben ajoyib ota ekanligini aytadi:
“Men Benni bir yildan ortiq vaqtdan beri kuzataman. Hech qachon u kabi mehribon va fidoyi otani ko‘rmaganman”. Xonanda nafaqat o‘zining farzandlari, balki uning farzandlari uchun ham yaxshi ota ekanligini ta’kidlaydi: “Sen ularni doim birinchi o‘ringa qo‘yasan. Bunday munosabat men hayotimda ko‘rgan eng yoqimlilaridan biri. Biz seni qadrlaymiz va juda yaxshi ko‘ramiz”.
Bugungi kunda er-xotinning barcha 5 farzandi Jennifer va Ben bilan yashaydi. Xonanda o‘g‘li va qizi o‘gay aka-uka va singlisi bilan yaxshi munosabatda bo‘lishini ta’kidlaydi.
Bundan xulosa qilish mumkinki, 54 yoshli Jey Lo va uning jonkuyar eri Ben birgalikda farzand ko‘rishlari mumkin.
Jey Lo butun dunyoga Ben Afflekka bo‘lgan his-tuyg‘ularini ko‘rsatishdan tortinmaydi. U yaqinda terisini qanday parvarish qilishi ko‘rsatilgan videoni joyladi. Muxlislari uning bo‘ynidagi tilla zanjirga Ben yozuvi tushirilganini payqashgan.
