Zelenskiy Trampni tinchlik rejasini ommaga aytishga chaqirdi
Ukraina prezidenti Vladimir Zelenskiy AQSH sobiq prezidenti Donald Trampni Ukrainadagi urushni tugatish bo‘yicha tinchlik rejasini ommaga taqdim etishga chaqirdi, deb xabar bermoqda CNN.
Shu bilan birga, Zelenskiy urushni tugatish uchun tinchlik rejasidagi “qizil chiziqlar”ni eslatdi. U Donald Trampni Ukraina o‘z hududlaridan voz kechishni nazarda tutuvchi hech qanday tinchlik rejasini ko‘rib chiqmasligi haqida ogohlantirdi.
“Shuning uchun (agar) hududimizning bir qismini tortib olish va uni Putinga berish g‘oyasi bo‘lsa, bu tinchlik formulasi emas”, — dedi Zelenskiy BMT Bosh Assambleyasidagi chiqishidan keyin.
Donald Tramp agar u prezident bo‘lsa, Ukrainadagi urushni atigi bir kunda tugatish bo‘yicha muzokara olib borishini bir necha bor ta’kidlagan. Rossiya prezidenti matbuot kotibi Dmitriy Peskov tegishli fikr haqiqatdan uzoq emasligini aytgan. Peskov Amerikaning hozirgi prezidentida bunday imkoniyat borligini, lekin u Ukrainaga qurol yetkazib berishni tanlaganini ta’kidlagan.
Yaqinda Putin 2024-yilgi saylovlarda Donald Trampning g‘alaba qozonishi AQSH bilan munosabatlarni o‘zgartirmasligini aytdi.
