Rol o‘ynashdan tashqari ko‘pchilik bilmaydigan ajoyib iste’dodga ega aktyorlar (foto)
Gollivud yulduzlari faqatgina aktyorlik karyerasi bilan mashhur deb o‘ylasangiz adashasiz, ular boshqa iste’dodlari bilan ham muxlis orttirgan.
Stiv Martin
Komediyachi Stiv Martin — “Katta oila” va “Pushti pantera” kabi filmlar yulduzi. Ammo shou-biznesda u bolaligidan banjo chala oladigan iste’dodli musiqachi sifatida ham tanilgan.
2009-yilda u hatto albomi uchun “Gremmi” mukofotiga sazovor bo‘lgan. Bundan tashqari, Martin pianino ham chala oladi, lekin banjo chalishdek mohirona emas.
Nil Patrik Xarris
Nil Patrik Xarris kinodagi taniqli arbob bo‘lib, u o‘z vaqtida “Onangiz bilan qanday tanishganman” teleserialida bosh rollardan birini o‘ynagan, filmda u Barni Stinson obrazini gavdalantirgan. Nil Patrik Xarris professional ko‘zbog‘lovchi bo‘lib, u 2006-yilda nufuzli Tannen’s Magic Louis Award mukofotiga loyiq ko‘rilgan. 2008-yilda World Magic Award shousida boshlovchilik qilgan.
Kolin Farrell
Irlandiyalik aktyor Kolin Farrell faoliyati davomida o‘nlab filmlarda suratga tushgan, turli formatdagi rollarni ijro etgan va komediyadan tortib trillergacha mutlaqo hech qanday janrdan qo‘rqmagan. Uning Amerikaga kelishining birinchi kunlari biroz og‘ir kechadi, lekin raqs uni pulsizlikdan qutqaradi. U kantri musiqasini yaxshi bilgani uchun raqqos sifatida dars bera boshlaydi. Aktyorlik karyerasi rivojlangungacha dars berishda davom etgan.
Pirs Brosnan
Pirs Brosnan 1994-yilda “Oltin ko‘z” filmida Jeyms Bond rolini qo‘lga kiritadi va keyingi to‘rtta filmda ham o‘zi o‘ynadi. Shuni ham ta’kidlash joizki, aktyorlik uning yagona iste’dodi emas. Uzoq yillar avval u olov bilan tryuk ko‘rsatgan (olovli tayoqni og‘ziga solgan) va bir marta professional sirkda ham ishtirok etgan.
Kristofer Uolken
Kristofer Uolken Amerika kinosining afsonalaridan biri, chunki u butun faoliyati davomida 100 dan ortiq filmlarda suratga tushishga muvaffaq bo‘lgan. Ammo mashhur bo‘lishidan oldin u professional sher o‘rgatuvchi bo‘lgan. Uning sevimli jonivori Shaba ismli sher bo‘lib, aktyor uni katta keksa ko‘ppak deb atagan.
Xarrison Ford
Xarrison Ford “Indiana Jons” va “Yulduzlar jangi” kabi kino franshizalarida o‘ynagan va mashhur Gollivud aktyorlari bilan raqobatlashgan. Aktyorlik faoliyatidan tashqari, u litsenziyaga ega uchuvchi va uning arsenalida Santa Monika aeroportida joylashgan bir nechta samolyot bor. To‘g‘ri, ba'zida uning amaliyotida kichik halokatlar sodir bo‘ladi. Ulardan birida aktyor son va to‘pig‘ini og‘ir jarohatlagan.
Teylor Lotner
Teylor Lotner aktyorlik faoliyatini 11 yoshida boshlagan, ammo u “Sumerki” franshizasi chiqqandan keyingina muvaffaqiyatga erishadi, filmda u asosiy rollardan biri — Jeykob rolini o‘ynaydi. U nafaqat o‘zining aktyorlik iste’dodi, balki sport bilan shug‘ullanganligi tufayli o‘zining ajoyib qomati bilan ham muxlislarini hayratda qoldiradi. 6 yoshidan u karate bilan professional tarzda shug‘ullangan va nafaqat ko‘plab mukofotlarga, balki qora kamarga ham ega.
