Otasi izidan: Amir Xonning o‘g‘li — Junayd Xon Bollivudda debyut qiladi
Junayd Xon — taniqli hind aktyori Amir Xon va uning birinchi rafiqasi Rina Dattaning o‘g‘li. Otasi ikkinchi nikohi — Kiran Raoga uylangach, Ira ismli singlisi va Azad Rao Xon ismli ukasi dunyoga kelgan.
Amir birinchi xotiniga juda erta uylanadi. O‘sha paytda uning kino karyerasi endigina boshlangan edi va bu nikoh uzoq vaqt davomida ommadan yashirilgan. Ko‘p o‘tmay Rina va Amir ikki farzandning ota-onasi bo‘lishadi: o‘g‘li Junayd va qizi Ayra.
Bolalar suratga olish maydonchasidan tashqarida katta bo‘lishgan, chunki onalari ommaviy axborot vositalarining e’tiborini yoqtirmagan. Hatto Amirning sodiq muxlislari ham uning farzandlari necha yoshda va qachon tug‘ilganini bilishmasdi.
Junayd 1993-yil 2-iyun kuni tug‘ilgani yaqinda ma’lum bo‘ldi. Yigit Bollivudda debyut qildi, shuning uchun u o‘z tarjimayi holiga oid ba’zi faktlarni ommaga oshkor etishga qaror qildi.
Mashhur ota-onalarning farzandlari haqida yozilganda “Nega yulduzlarning bolalari kino sanoatiga kirishadi? Ular uchun boshqa kasb yo‘qmi?” deyishadi. Ammo gap shundaki, bu bolalarning aksariyati ota-onalarining kompaniya va studiyalarini meros qilib olishadi.
Hindistonning eng boy odami Ambanining bolalari ham biznes ta’limini olib, oilaviy biznesga qo‘shilishdi. Agar ular otalarining ishini davom ettirmasalar, bu ahmoqlik bo‘lardi. Xo‘sh, nega aktyorlarning farzandlari ota merosini davom ettira olmaydi?
Junayd Xon Mumbaydagi Xalqaro maktab va Savdo-iqtisod kollejini tamomlagan. Shundan so‘ng u Los-Anjelesdagi Amerika dramatik san’at akademiyasida o‘qib keldi.
Hindistonga qaytib, u otasining bir nechta filmlarida birgalikda ishlaydi va “PK” filmida rejissor Rajkumar Xiraniga yordamchilik qildi.
O‘tgan yili Amir Xon intervyularidan birida o‘g‘li Junaydning “Laal Singx Chaddha” (2022) filmida bosh rolni o‘ynashini juda xohlayotganini aytdi, biroq prodyuser Aditya Chopra va ssenariy muallifi Atul Kulkarni bunga qarshi chiqdi.
Ularning fikricha, “Forrest Gamp”ning hindcha remeykida yulduz aktyor o‘ynashi kerak. Yangi aktyor bu rolni uddalay olmasdi, shuning uchun ular Amirning o‘zi personajni o‘ynashini talab qilishdi.
Junayd bu paytda uchta yangi loyihani imzoladi. Ulardan asosiysi — Sharvari va Shalini Pandey bilan birgalikda suratga olingan “Maharaj” filmi. “Maharaj” YRF va Netflix o‘rtasidagi yaqin hamkorlikning boshlanishini anglatadi
Yana bir loyiha — Shridevining qizi Kxushi Kapurning sevgilisi rolida tamil tilidagi “Bugungi sevgi” filmining hindcha remeykida o‘ynadi. Yana bir loyiha esa hozircha nomlanmagan, ammo unda Sai Pallavi bilan juftlik rolini o‘ynaydi.
Ijtimoiy tarmoqlarda Junayd Xon debyut qilish uchun juda qari va umuman yoshidan kattaroq ko‘rinadi degan fikr tez-tez uchrab turadi. Aytgancha, u hali uylanmagan, lekin u bilan bir kollejda o‘qigan Sonam Varma ismli qiz bilan uchrashib yuradi.
