Xanchjou—2022. Hasanboy Do‘stmatov Osiyo o‘yinlari chempioniga aylandi

Xanchjou—2022 XIX yozgi Osiyo o‘yinlari 5-oktabr, payshanba kuni davom ettirilmoqda. 

Boks bo‘yicha O‘zbeksiton terma jamoasi a’zosi Hasanboy Do‘stmatov (-51 kg) o‘z sovrinlari orasiga Osiyo o‘yinlarining oltin medalini qo‘shib qo‘ydi.

Hasanboy murosasiz kechgan final jangida tailandlik Thitisan Panmotni mag‘lubiyatga uchratishga erishdi. 

Eslatib o‘tamiz, Do‘stmatov yarim finaldayoq Parij-2024 Olimpiadasi yo‘llanmasini hal qilgandi.