Islom Maxachev UFC’da rekord qayd etdi 

UFC 294 da Aleksandr Volkanovskini taslim etgan Islom Maxachev promoushen tarixida o‘ziga xos rekord qayd etdi.

Islom P4P reytingidagi top-3 likka kiruvchi raqiblarga qarshi ketma-ket 3 ta jang o‘tkazgan tarixdagi ilk jangchiga aylandi.  

Undan tashqari dog‘istonlik sportchi har uchala jangni ham o‘z foydasiga hal qila oldi. Maxachev 12 oy davomida 3 ta jang o‘tkazdi.

2022-yil oktyabr oyida Islom Charlz Oliveyrani 2-raundda mag‘lub etgandi. 2023-yilning fevral oyida esa hakamlar qaroriga ko‘ra Volkanovski ustidan g‘alaba qozongan. 

21-oktyabr sanasida yana Aleksga qarshi oktagonga ko‘tarilib, birinchi raunddayoq raqibini nokautga uchratdi.