Eron harbiylari 200 dan ortiq vertolyot ishtirokida mashqlarni boshladi

Eron quruqlikdagi kuchlari ikki kunlik mashg‘ulotlarni boshladi, unda harbiylar 200 dan ortiq vertolyotning parvozga tayyorligini sinovdan o‘tkazadi. 

Brigada generali Amir Cheshakning mahalliy televideniyega aytishicha, bu “ehtimoliy tahdidlarni bartaraf etishga qaratilgan” rejalashtirilgan mashg‘ulotdir.

U qanday tahdidlarni nazarda tutayotganiga aniqlik kiritmadi. Generalning ta’kidlashicha, mashg‘ulotlar uchun ajratilgan qo‘shin va texnika Eronning yetti viloyatidan markaziy Nasrobod viloyatiga yetkazilgan.

23-oktyabr kuni Eron havo mudofaasini modernizatsiya qilish dasturi doirasida Karrar jangovar dronining takomillashtirilgan versiyasini sinovdan o‘tkazgani haqida xabar berilgandi.