HAMAS arab davlatlaridan qurol va moliyaviy yordam so‘radi
Falastinning HAMAS harakati Siyosiy byurosi rahbari Ismoil Haniyaning aytishicha, G‘azo sektoriga qarshi davom etayotgan Isroil agressiyasi butun mintaqani nazoratdan chiqarib yubormoqda. U arab va islom davlatlarini HAMASni qurol-yarog‘ va moliya bilan qo‘llab-quvvatlashga chaqirdi.
“G‘azoda qarshilik davom etmoqda. Men arab va islom xalqlari va dunyoning ozod xalqini... bu qarshilikni qo‘llab-quvvatlashga hamda ushbu inqilobni pul, qurol bilan qo‘llab-quvvatlashga chaqiraman”, — deb yozadi Haniya.
Harakat rahbari, shuningdek, G‘azo bilan chegarada nazorat-o‘tkazish punktlarini ochish va mintaqaga “kerak bo‘lgan hamma narsani cheklovlarsiz va shartlarsiz” yuborishga chaqirdi.
U elektr va suv ta’minoti qayta tiklanishini talab qilmoqda.
“Men barcha prezidentlar, yetakchilar, ziyoli yetakchilar va fikr bildiruvchilarni Falastin qarshiligi hamda HAMASning qonuniyligini aniq va so‘zsiz tasdiqlashga chaqiraman”, — deya qo‘shimcha qildi Haniya.
Kecha, 26-oktyabr kuni HAMAS vakillari Moskvaga tashrif buyurgani xabar qilindi. Isroil Tashqi ishlar vazirligi Rossiyadan HAMAS vakillarini “zudlik bilan chiqarib yuborish”ni talab qildi.
