Tayson Fyuri nima uchun Toshkentga tashrif buyurmagani sababi ma’lum bo‘ldi
Butunjahon boks kengashining (WBC) 61-konvensiyasi Toshkentda bo‘lib o‘tmoqda.
Avvalroq, WBC chempioni Tayson Fyuri konvensiya doirasida O‘zbekistonga kelishi ma’lum qilingandi. Biroq, britaniyalik bokschi konvensiyaga tashrif buyurmadi. WBC prezidenti Maurisio Sulaymon Fyurining nima uchun kelmagani sababini ochiqladi.
“Tayson Fyuri ham konvensiyada ishtirok etishga juda qiziqqan edi. Ammo u yaqindagina o‘z jangini o‘tkazdi. Boz ustiga, Tayson 15-noyabr kuni Londonda matbuot anjumanida ishtirok etishi lozim. Shu sababdan u Toshkentga kela olmadi.
Oleksandr Usik shu yerda. Uni ustiga, 16-noyabr kuni biz Mayk Taysonni ham kutib olamiz”, — deydi Maurisio Sulaymon.
Eslatib o‘tamiz, Tayson Fyuri 28-oktyabr kuni Frensis Ngannuga qarshi ringga ko‘tarildi. Yakunda Fyuri hakamlarning qaroriga ko‘ra (94-95, 96-93, 95-94) g‘alaba qozondi.
