Yevropa Komissiyasi Ukrainaga 110 million yevro ajratadi
Qish arafasida Yevropa Komissiyasi Ukrainaga insonparvarlik yordami uchun qo‘shimcha 110 million yevro, jumladan Ukrainadagi gumanitar operatsiyalar uchun 100 million yevro va Moldovada ukrainalik qochqinlar uchun yana o‘n million yevro ajratishga qaror qildi.
“Ushbu yangi moliyalash Yevropa Ittifoqining gumanitar sheriklariga oziq-ovqat, suv, boshpana, shuningdek, sog‘liqni saqlash va psixologik yordam kabi muhim xizmatlarni taqdim etishda yordam beradi”, — deyiladi hujjatda.
Maʼlum qilinishicha, Yevropa Ittifoqidan Ukrainaga yetkazilgan umumiy gumanitar yordam shu tariqa 843 million yevroni tashkil qilgan.
12-noyabr kuni Germaniya hukumati Ukrainaga harbiy yordam uchun davlat budjetidan ajratilgan 4 milliard yevroga qo‘shimcha ravishda yana 4 milliard yevro ajratishga qaror qilgani xabar berilgandi.
