Keyt Middltonning qizi — malika Sharlotta qanday qilib puli bo‘lmay turib, dunyodagi eng badavlat bolaga aylandi? 

Malika Sharlotta — Britaniya qirollik oilasining a’zosi, Keyt Middlton va shahzoda Uilyamning yagona qizi. Yelizaveta II vafotidan keyin 8 yoshli qizaloq otasi va akasidan keyin Britaniya taxtining uchinchi vorisi bo‘ldi. Oiladagi bunday mavqega qaramay, Sharlotta dunyodagi eng boy bola bo‘lib, hatto bir kun qirol bo‘lish ehtimoli ko‘proq bo‘lgan shahzoda Jorjni ham ortda qoldiradi. Sharlottaning puli yo‘qligini hisobga olsak, buni qanday tushunish mumkin?

 

 

Voyaga yetmaganligi sababli malika shaxsiy boylikka ega emas. Biroq xorijiy OAV xabarlariga ko‘ra, Sharlottaning boyligi 3,6 milliard funt sterlingni tashkil etadi. Jurnalistlar tadqiqotiga ko‘ra, bunday daromad malikaning onasi Keyt Middlton tufayli paydo bo‘lgan. “Keyt Middlton effekti”iga ko‘ra, Kembrij gersoginyasi o‘sha paytda omma oldiga nima kiyib chiqsa, u darhol sotilib ketadi. Sharlottada xuddi shunday tendensiya kuzatildi — faqat bolalar kiyimida. Va bu ta’sir juda katta miqdorda baholanadi.

Yosh malika och pushti rangdagi ko‘zoynak, moychechak gulli yoki chiziqli ko‘ylakda omma oldiga chiqishi bilanoq barcha do‘konlarda tugaydi. “Qizig‘i shundaki, malika Sharlottaning boyligi 2021-yildan beri 12 foizga kamaydi, biroq u hali ham bir kun kelib qirol bo‘ladigan akasi shahzoda Jorjdan oldinda”, — deydi qo‘shimcha tadqiqotlar olib borgan Electric Ride on Cars nashri.

Vaqt o‘tishi bilan Sharlotta tendensiyalarga yanada ko‘proq ta’sir qilishiga hech kim shubha qilmaydi. Ehtimol, bir kun qirollik malikasi ham bo‘lar — hozirda malika Annagina bu unvonga ega. Bu shuni anglatadiki, Keyt Middltonning yagona qizi qirollik oilasida katta ta’sirga ega bo‘ladi.

Qirollik malikasi — Britaniya monarxi tomonidan katta qiziga beriladigan unvon. Bir vaqt ichida faqat bitta malika mazkur unvonga ega bo‘lishi mumkin va u umrining oxirigacha bu unvonni saqlab qoladi.